影片
更多
2022-12-19
349 浏览
几年前喺红磡崇洁街附近返工，已经成日食「贵缘小锅米线」。我冇讲大话㗎，2019年已经喺Openrice写过呢间嘅食评。我一直认为佢系隐世小店，但近排竟然成为爆红店🔥。夜晚一向静局嘅崇洁街，唔少餐厅直头收九点，不过贵缘就相反，平日夜晚八点几都要等位先入得👏。店舖面积唔大，座位唔多，但至少都算干净同唔太逼夹。社交平台关注组有人讲米线舖易咗手，啲店员好似系唔同咗，不过餐牌菜式就唔算变咗好多，而且好似仲多咗选择添，同时亦采用手机QR Code落单📲。第一碗要咗秘制麻辣汤($31)，🌶呢度嘅麻辣系我心目中全港头三位好食。我要咗小小辣，辣度几过瘾，但唔过火，而且麻味好突出。佢嘅麻系渗透其中，而唔系好多椒籽、黐喉咙𠮶种。面底要咗红薯粉，佢系扭纹状𠮶款，望落闪令令✨，质感好Q弹；而且仲夹杂住芽菜同炸酱肉碎，进一步提升滋味。𩠌料方面，🐔鸡肉丝($10)系招牌菜，我每一次嚟帮衬都一定会食，餐厅而家仲将佢推出做小食。但由于太晏嚟已经售罄，好彩净𩠌就仲有。鸡丝堆到好高，肉质偏嚡，但就非常索汤。甜酸斋($9)又系必食嘅𩠌，我谂无几多间车仔面或米线店有得配。依款𩠌分开上，大约有七至八件，好抵食。面筋富嚼劲，卤到酸
夜晚一向静局嘅崇洁街，唔少餐厅直头收九点，不过贵缘就相反，平日夜晚八点几都要等位先入得👏。店舖面积唔大，座位唔多，但至少都算干净同唔太逼夹。
社交平台关注组有人讲米线舖易咗手，啲店员好似系唔同咗，不过餐牌菜式就唔算变咗好多，而且好似仲多咗选择添，同时亦采用手机QR Code落单📲。
秘制麻辣汤红薯粉
13 浏览
0 赞好
0 留言
面底要咗红薯粉，佢系扭纹状𠮶款，望落闪令令✨，质感好Q弹；而且仲夹杂住芽菜同炸酱肉碎，进一步提升滋味。
鸡肉丝
$10
4 浏览
0 赞好
0 留言
甜酸斋
$9
18 浏览
0 赞好
0 留言
特浓新鲜蕃茄汤米线
7 浏览
0 赞好
0 留言
面底要咗米线🍚，我自己就觉得相对失色，因为煮得淋咗啲，而且份量比较少。
𩠌料方面，呢碗要咗秘制腩肉(微辣)($10)、冬菇皇($9)同卤水鸡翼($10)。呢几款𩠌都OK，🐷腩肉几入味，无太多肥膏，但稍为细块。相反，冬菇同鸡翼均系加大码，两样都值得一试。
娃娃菜
$13
3 浏览
0 赞好
0 留言
皮蛋豆腐($24)，呢个小食又系能够品尝到出色嘅麻辣味。⚪️豆腐应该系用上包装百福豆腐，口感相当滑溜，但略嫌皮蛋少咗啲，又碎湿湿。
总括嚟讲，贵缘米线好高质😋🍜，多年来保持高水准，无令人失望。我见到佢最近成为大热人气店，彷佛有啲感动，因为好似终于出人头地🙈。
轶事一则，我哋今晚都成八点先去到，有某几样𩠌同小食都卖晒。我早一步落咗单，所以仲有幸食到鸡丝，但搭枱个女仔见到我有得食、佢冇，就大为激动话明明佢落单先……，仲起身走咗。店员大感无奈，仲同我讲唔好意思😅，其实我又点会怪责呢，都唔关佢哋事。佢哋好好人、劲忙碌，但仍保持礼貌。如果特意前来到访的话，我建议早少少到达，咁就可以尽量避免任何不愉快，食到心头好！
张贴
