郴州魚粉

营业中

休息中

郴州鱼粉虽然不知名字点读，不过已经系第二次帮衬，太子地铁站行过去唔难揾，见到个咁靓嘅粉蓝色门口就系，服务员话有三款招牌菜，招牌鱼头粉，上次食过郴州鱼腩粉、酸酸地几野味，今次就叫了栖凤渡鱼粉，有大中小辣选择，叫左个小辣，饮一口汤味道不算太辣，汤底有胡椒香味，粉的质感好有趣，好有咬口烟韧，钟意食鱼的人一定大爱，因为鱼肉鲜甜，冇腥味，大大件咬落啖啖肉，用筷子夹都唔会散晒，比起鱼腩粉，尼个渡鱼粉嘅鱼更出色，如果钟意食辣嘅人，叫个大辣加埋啖啖肉，一定好好味！价钱便宜，抵食！内里装修不错，坐得舒服美中不足唯独是其中一位男侍应生，态度似足唔愿做但又被逼帮手嘅太子爷，唔太愿意招呼你，唔系要求对客人下下展露亲切笑容，但基本礼貌态度表现都应份有！