泰Grill (享和街)

又系荃湾揾下好野食 。夏日炎炎有d 挂住泰国🇹🇭，所以直接冲入去食泰国野😂串烧3串串烧分别都叫左鸡、牛、猪 。烧得香口，鸡肉有d仲连到啲鸡软骨位，咬落劲脆口 。另外，牛肉同猪肉都好软腍，唔靭同唔驶赵好耐，点埋佢地个花生酱就绝配😆泰式酸辣鱿鱼🦑鱿鱼爽口弹牙一啲都唔靭，煮得恰到好处👍🏻佢个泰式酸辣汁好似冬阴功汤咁，直头当汤饮都唔咸，唔太酸又唔太辣 。味道绝对岩岩好 。值得一试 。蛋包虎虾炒金边粉整碟卖相吸引，煎左个网状蛋系面，另外佢地用左大大只既虎虾，爽口弹牙 。金边粉炒到好有获气好干身 。大大碟，食完都已经饱左一半 。椰汁冰椰奶清甜解辣，叫左小甜小冰，觉得啱啱好👍🏻有啲清热消暑嘅感觉😌泰式沙冰🍧一样好似泰式奶茶咁，因为沙冰既关系唔会太甜，而且劲冰冻，绝对岩晒咁热既天气！芒果糯米饭🥭佢地用鸳鸯米，一边系紫米一边系糯米 。心心造型摆盘好有心思 。紫米比较有咬口，每一下咀嚼就更香，仲要系热辣辣架！芒果而家当造，更加香甜 。呢个好正👍🏻佢地而家做紧啤酒买一送一添，可惜无叫到 。得闲经过可以饮2杯🍻