Zecond (已結業)

今日要farewell 一位同事，系openrice揾左几间餐厅拣，最后拣左呢间。lunch有set menu。有前菜，主菜，甜品，3个course. 一个餐$138。前菜我地拣左和风凯撒沙律同汤。沙律有樱花虾， 面包糠都几脆。汤系牛肝菌汤，几浓味。两样都唔错。主菜我地拣左卡津孜然鸡扒，慢烤三文鱼柳，香烤烟熏鸭胸。卡津孜然鸡扒🐤孜然比平时辣少少，对我黎讲辣左啲啲，但都食到。鸡扒都算大块，比我想像既份量多。配有薯蓉沙律，薯蓉唔系话好滑个种，味道一般，沙律菜都算新鲜。慢烤三文鱼柳🐟因为系慢烤，所以啲肉唔会好鞋，配有鱼子同沙律酱，鱼子胀卜卜，新鲜好食。都系有配薯蓉同沙律菜。香烤烟熏鸭胸🦆份量又系比想像大好大，6块厚厚的，都唔细块。呢个肉偏咸少少，但配左蓝莓红酒酱，就balance返个味，都唔错。个餐仲包左甜品，今日甜品系cheese cake,好好食。西餐黎讲呢度既餐份量都几大，又包甜品，食物味道都几好，会推介呢间。