Zummer (已結業)

上星期去过呢间新开既Zummer食Lunch觉得好有水准，情人节提前庆祝，一于同男友黎呢间，有信心！餐厅新开张，好好彩我地上到去仲有位...根据餐厅经理推介，我地order左两份Set Dinner:－－－头盘系天妇罗软壳蟹凯撒沙律个人唔太钟意食油腻野，但个蟹都尚算ok唔太油，个沙律仲加左D咸咸地既火腿，浓淡得宜。－－－蕃茄忌廉汤呢个汤系用鲜茄煮既，好浓好香，配埋餐厅免费提供热辣辣既面包，一绝！－－－主菜我地选择左黑豚扒同照烧肉眼扒share听餐厅经理介绍，佢地系选用安格斯肉眼扒既，唔怪得啦，肉质鲜美，份量十足，无得顶呀！而个黑豚扒呢，亦都唔错！男朋友都赞呀！－－－甜品我地另外order左豆腐芝士饼同埋心太软，唔止卖相靓靓，仲好有水准！心太软外层脆既，正！个人特别钟意食cheese case，相对一般cheese cake，呢个豆腐芝士饼唔太浓味，感觉好清新，虽然食到好饱，都要食晒佢！