影片
更多
2018-06-19
398 浏览
父亲节到了, 又系时间做乖乖女, 知道爸爸钟意食放题边炉, 最大嘅原因系佢钟意食食下又可以出去拎下嘢食, 唔使斋坐咁闷. 另外, 佢系不折不扣嘅海鲜迷, 上星期见到有网上杂志介绍开咗一间新嘅牛锅, 每位食客于晚市惠顾都可以有海鲜盛合一客, 当中包括龙虾添! 佢好似一般牛锅放题一样, 牛肉有几个级数, 可以选择父亲节一于食好啲, 我哋点咗日本霜降和牛放题, 首先选择汤底, 有日式和牛清汤, 小鱼蕃茄汤, 日式寿喜烧, 泡菜猪骨汤, 骨胶原鸡汤, 鲣鱼昆布汤. 我系一个不折不扣嘅蕃茄迷, 当然点小鱼蕃茄汤啦, 佢真系有几条鱼干响汤里面, 跟住自己在喺buffet枱上攞咗几片番茄加料. Buffet枱上有好多食物嘅选择大部分都同其他牛锅差不多, 例如唔同菜嘅款式, 肉丸鱼丸类别, 稻庭乌冬, 小云耳, 菇类等等, 除此以外仲有好多调味料咁俾大家 ”搞来搞去” ^0^! 到侍应端上汤底嘅同时, 第二个侍应立即送上刺身和海鲜盛合. 刺身拼盘上有牡丹虾, 带子, 三文鱼, 吞拿鱼同埋剑鱼腩, 开完全唔驶剥壳, 而且四个大虾头排得好靓! 大虾头可以用嚟淆汤令汤底更鲜甜, 又或者就咁食虾头
佢好似一般牛锅放题一样, 牛肉有几个级数, 可以选择父亲节一于食好啲, 我哋点咗日本霜降和牛放题, 首先选择汤底, 有日式和牛清汤, 小鱼蕃茄汤, 日式寿喜烧, 泡菜猪骨汤, 骨胶原鸡汤, 鲣鱼昆布汤. 我系一个不折不扣嘅蕃茄迷, 当然点小鱼蕃茄汤啦, 佢真系有几条鱼干响汤里面, 跟住自己在喺buffet枱上攞咗几片番茄加料.
Buffet枱上有好多食物嘅选择大部分都同其他牛锅差不多, 例如唔同菜嘅款式, 肉丸鱼丸类别, 稻庭乌冬, 小云耳, 菇类等等, 除此以外仲有好多调味料咁俾大家 ”搞来搞去” ^0^!
到侍应端上汤底嘅同时, 第二个侍应立即送上刺身和海鲜盛合. 刺身拼盘上有牡丹虾, 带子, 三文鱼, 吞拿鱼同埋剑鱼腩, 开完全唔驶剥壳, 而且四个大虾头排得好靓! 大虾头可以用嚟淆汤令汤底更鲜甜, 又或者就咁食虾头里面嘅虾膏又得. 带子大大粒而剑鱼腩比较实身, 呈现新鲜嘅状态, 有少少有油香味, 真系想一食再食~
海鲜盒内有扇贝, 沙白, 贵妃蚌,生蚝, 圣子皇, 海虾, 鲍鱼最重要嘅就系龙虾. 十分认真地说全部海鲜都系好新鲜嘅~绝非雪藏海鲜! 见到鲍鱼仲系活生生仲响度郁的! 生蚝煮完一轮仲系好大只还有一些甘甜! 扇贝, 贵妃蚌都被洗得好干净, 绝对冇沙, 蛏子皇大就系当然㗎啦, 仲好好肉 咬落十分爽口! 鲜虾我放到最后先食, 以为平平无奇一只虾, 点知肉质细嫩，完全唔会实的的! 另外一个重点就系龙虾本来系南非龙虾, 但系佢哋话今晚冇晒货所以, 改咗用波士顿龙虾, 凭肉眼一睇就知道啲肉系十分新鲜, 唔会好似食自助餐𠮶啲龙虾被烚到啲肉死实实. 虾肉弹牙鲜甜, 而且有好多膏, 第一次一人半只咁新鲜多膏嘅龙虾放在自己火㶽内, 可以“自私食”！
到尾声当然系甜品时间啦! 除咗有雪柜里面嘅甜品外, 仲有每人一杯嘅雪糕, 有Movenpick同埋Hargandize畀大家拣, 我同屋企人一支选择咗枫糖合桃既Movenpick, 因为出面少有一D.
其实出面真系冇乜试过咁正嘅火锅放题, 第一牛肉好正, 第二海鲜盒嘅材料完全系新鲜, 每一款都系鲜甜, 第三系刺身唔似系系普通放题级数嘅刺身, 餐厅都几肯揼本我系食材方面, 今次父亲节晚餐, Daddy表示十分满意!
日日涮美孚百老汇街69-119号美孚新邨第4期美孚广场3楼订座电话: 29822231
张贴
