德國餐廳 (博文街) (已結業)

一心想食德国菜，揾到Das Bier有几间分店，嚟到先发现系小店嘅格局，感觉几温馨。虽然咸蛋黄味都好吸引，但系怕酱汁会令到猪皮变淋，所以拣咗最传统嘅口味。 首先猪皮够酥脆，上枱已经去咗骨切埋，啖啖肉好正。 猪手真系好软滑超Juicy，配菜都好有诚意。 酸菜味道唔会好抢，就咁食都唔会太酸，薯仔沙律嘅芥末蜜糖酱超惹味，样样野都好啱口味。德国香肠拼盘一碟有齐四款口味，切𠮶时要小心好多汁，从未试过简单如香草猪肉肠都会有肉汁，薯条亦都热辣辣好有薯味，配齐茄汁同芥茉酱一流。三文鱼意粉味道唔算好突出，胜在份量够多。 呢度普遍都大大份，其实两个人叫两份已经好够。平时少饮酒，但嚟到德国餐厅都衬返个气氛叫咗杯，估唔到Stella入口好顺滑，完全唔会有苦涩味，系好啱女仔饮嘅啤酒。