福源川香閣

营业中

休息中

知道屋企附近有一间好出名嘅川菜馆，一直都未有时间去试吓。所以今日放工，约咗屋企人喺𠮶度食晚饭😋，去试吓佢好岀名嘅辣子鸡😍😍🌶️贵州辣子鸡🐔- 份量好大，辣椒同埋鸡嘅比例啱啱好，唔会觉得鸡肉太少！成个菜式一啲都唔油腻。鸡肉嫩滑多汁。非常好食。我自己觉得呢个唔算好辣，但都辣得好惹味！🌶️🌶️水煮鱼🐟- 红卜卜，有劲多辣椒同调味料😍。未食落口已经流口水🤤水煮鱼味十分麻辣😍，但完全冇覆盖鱼嘅鲜味。麻辣嘅味道系喉咙到麻返岀黎，真系好正！🌶️干捞牛肚🐮- 就算冇辣椒油，味道都非常香口！牛肚非常爽口弹牙，而且又好浓郁嘅牛肉味，加埋辣椒嘅味道。真系好食！最难得嘅系，佢冇辣椒油浸住，都辣味十足！🌶️🌶️夫妻肺片🐮-有牛舌，牛展同牛肚喺入边，肉质非常爽口同淋身，加埋麻辣汁同香料。味道真系非常惹味。劲正