大丸和風食堂 (已結業)

虽然已经通关，但因为工作忙嘅关系一直未有机会「返乡下」玩，唯有继续喺香港揾下啲高质日本餐厅顶住先啦！日前就听朋友介绍黎到呢间位于旺角女人街嘅「大丸和风食堂」用餐，整体体验相当唔错，所以同大家推荐下！餐厅超位置方便就唔洗多讲，里面嘅装修都值得一赞，虽然唔算好精致奢华，但布置得满满嘅日本风！餐牌食物选择几多，望落去价钱唔算太贵。当晚我order左以下食物：寿司叫左几款，每一件都卖相好吸引。当中嘅海胆同埋火炙烧带子好新鲜，而煎鹅肝寿司更加系超正，因为鹅肝煎得超香，好味到要encore烧物方面，我好满意当日order嘅厚切牛舌串，因为师傅真系厚切，而且烧得刚刚好，好juicy！另一道烧物北海道直送烧鱿鱼筒都好正，虽然只鱿鱼本身唔算好大只，但胜在鲜甜，配合埋啲酱汁一齐食非常过瘾！炸物方面，炸广岛蚝炸得好脆好香，不过略嫌啲蚝比较细只，不过都好鲜甜嘅见牛肉寿喜烧价格相宜，以为份量会好少，点知店员攞上黎系咁大兜！啲牛肉好多块，而且颇新鲜，食埋啲菜同豆腐真系够晒饱！总结：呢间餐厅食物质素几好，价钱合理，值得推荐！