少爺泰 (已結業)

少爷泰离沙田围站唔算远，大概行5分钟就到，尚算方便。平日夜晚黎到，全场几乎满座，想夜晚帮衬一定要记得book定位！唔系炒既街头泰北生菜包不过不失，肉碎微辣，想食得健康嘅人可以试下。Combo小食拼盘（大）全晚最欣赏菜式之一，春卷香脆，鸡腿内有芝士，另外肉丸同蔗虾都好有水准。 马拉盏炒通菜呢道菜本身就好难失手，比较浓味，送饭一流！溶岩椰青海鲜焗饭食到呢个时候已经饱得七七八八，点知仲有惊喜。虾同青口好鲜甜，但因系落左椰浆，令呢道菜似甜品多D，甜而不腻，仲有椰青水饮添。公主/迷红小象/驱魔师沙冰三杯特饮都系水果沙冰，不算太甜，而且真能食到果肉。 成餐饭都好满意，环境都好舒服，唔会坐得好迫。沙田特色嘅餐厅唔算好多，少爷泰绝对值得推荐。