影片
更多
2023-02-09
31 浏览
我最爱嘅台湾仲未通关，呢日就同女朋友黎德福广场嘅「茶木」餐厅食Taiwanese food，望梅止渴！德福广场呢间茶木地方好大，装修新净企理，店员都几殷勤。餐牌食物选择非常多。睇左一轮，我地最后决定叫套餐，再外加啲小食同埋特饮。小食我地选择左盐酥鸡：鸡块外层炸得外脆，但里面嘅鸡肉仲好juicy鲜嫩，热辣辣食真系令人上瘾！女朋友话想健康啲食菜，所以佢就选择左樱花虾娃娃菜。啲菜同上汤唔会好咸，清清地好健康！至于我就叫左黑糖鸡翼：啲鸡翼涨卜卜，卤得好入味！主食方面：我地梗系要order一人一份茶木嘅招牌菜：「红烧牛肉面」啦！呢度嘅红烧牛肉面非常好味，大大块嘅牛展唔会韧，而去卤得好入味。汤底嘅香料好惹味，配合埋好有咬口嘅面一齐食，真系一流！饮品方面，我点左巨峰葡萄干高山茶。茶壶卖相好吸引，饮落去唔会甜，但就有淡淡嘅巨峰提子清香。食左啲炸物，饮呢个茶真系好解腻。至于女朋友就叫左一壶水果茶。果茶好香甜，啱晒女孩子嘅口味！女朋友食完呢餐都几好满意，下次一定再来！
德福广场呢间茶木地方好大，装修新净企理，店员都几殷勤。
餐牌食物选择非常多。睇左一轮，我地最后决定叫套餐，再外加啲小食同埋特饮。
小食我地选择左盐酥鸡：鸡块外层炸得外脆，但里面嘅鸡肉仲好juicy鲜嫩，热辣辣食真系令人上瘾！
女朋友话想健康啲食菜，所以佢就选择左樱花虾娃娃菜。啲菜同上汤唔会好咸，清清地好健康！
至于我就叫左黑糖鸡翼：啲鸡翼涨卜卜，卤得好入味！
主食方面：我地梗系要order一人一份茶木嘅招牌菜：「红烧牛肉面」啦！呢度嘅红烧牛肉面非常好味，大大块嘅牛展唔会韧，而去卤得好入味。汤底嘅香料好惹味，配合埋好有咬口嘅面一齐食，真系一流！
饮品方面，我点左巨峰葡萄干高山茶。茶壶卖相好吸引，饮落去唔会甜，但就有淡淡嘅巨峰提子清香。食左啲炸物，饮呢个茶真系好解腻。
至于女朋友就叫左一壶水果茶。果茶好香甜，啱晒女孩子嘅口味！
女朋友食完呢餐都几好满意，下次一定再来！
张贴
