Plato Cafe & Bistro (吳松街)

今晚黎左佐敦呢间餐厅食饭，去到餐厅大约19:30，但系已经差唔多full house, 一入到去, 侍应姐姐超细心，俾左个篮我地放袋~ 然后再见到原来间餐厅好大，有两层~我同朋友叫左个2人餐，一开始上左个餐汤，系忌廉汤，然后就上左个ceaser salad，个人好钟意个沙律，因为佢每一棵菜都系酱汁，你系feel到佢个菜唔系是但捞, 而且个汁调得好好食~之后就到个牛扒，牛扒好juicy，加埋个汁好好食，但系我好钟意个焗薯，因为唔系太多地方会上焗薯，虽然上面系有少少脆烟肉同沙律酱，但简简单单配埋个肉已经好好食~之后系个龙虾汁虎虾意大利饭，呢个真系一流，因为佢个龙虾汁真系好浓，而且饭入面好多料，菇啦、三色椒、露笋同蚬肉，呢个真系真心好食~最后就甜品啦, 甜品系有惊喜, 佢地改左雪糕唔洗加钱，我一心谂住跟餐又唔洗加钱都系普通雪糕，点知系Movenpick仲有几只味可以拣~ 个芝士蛋糕更加正, 佢decorate得劲靓!