芋圓圓

营业中

休息中

在太子食完晚饭，周围散步同顺便揾下有咩糖水店食，咁啱见到呢间甜品店。店内差不多坐满，好彩一入到去就有人走，所以唔洗排队。一入到去睇好就出去比钱叫左先，之后等店员送上。我就叫左椰汁西米露同焦糖白酒千层蛋糕。椰汁西米露入面有三色芋圆，芋圆十分烟韧，同时很香，可以食出芋头、蕃薯、紫薯味道，系出面糖水店食多数都唔会食到有芋头、蕃薯、紫薯味道。同其他甜品店唔同，佢哋嘅西米露入面会有芋头，令到个椰汁西米露更加好食同味道更丰富，唔会只有椰汁味。个千层蛋糕都好出色，外型好靓，食落有好香嘅焦糖味，同时不会太甜。蛋糕层数可能无出面咁多，会有比3多cream，适合好似我咁中意食cream嘅人。