影片
更多
2023-10-24
483 浏览
之前朋友极力推荐Y Dining 餐厅，我上网睇过，有好多人都赞间餐厅，真心想过嚟试试，今日终于可以同女朋友有时间过嚟试试。先讲地点，其实十分之方便，旺角地铁站A1出口转右行几秒钟就到大厦，餐厅就喺一楼。跟住讲下环境，餐厅门口有个位置放咗个套怀旧梳化同摆设，啱哂影相打卡，真系几有心思，要赞；入到餐厅，座位舒适，枱与枱之间嘅空间好足够，餐厅设计简约，唔花巧，唔似出面嘅餐厅咁...枱又细、路又窄！到讲下员工服务，我哋一到餐厅门口，员工就第一时间安排座位，递上餐牌同介绍餐牌，叫order时，我有D特别要求，员工都很有礼貌同耐性帮我去处理，其实我自己都有点唔好意思。到最重要一环，就系食物，食物摆碟唔错，先讲汤，个意大利杂菜汤，饮得出系自家制的，好足料，唔似得有D餐厅咁用罐头或工场大量制造；我哋小食有炸蚝同蟹肉忌廉薯饼，每样都有两件，口感唔错，仲有少少沙律菜跟埋添；主菜有蚬肉意大利面同盲曹鱼柳，先讲个意大利面，除咗有连壳嘅蚬肉外，原来个意大利面里面都有蚬肉，真系啖啖肉（蚬），另一个主菜，系盲曹鱼柳，唔系一般急冻鱼柳，我问咗餐厅员工，原来系买新鲜鱼嚟，厨师逐条鱼自己㓥，自己起鱼柳，哗！无谂到百多蚊
先讲地点，其实十分之方便，旺角地铁站A1出口转右行几秒钟就到大厦，餐厅就喺一楼。
跟住讲下环境，餐厅门口有个位置放咗个套怀旧梳化同摆设，啱哂影相打卡，真系几有心思，要赞；入到餐厅，座位舒适，枱与枱之间嘅空间好足够，餐厅设计简约，唔花巧，唔似出面嘅餐厅咁...枱又细、路又窄！
到讲下员工服务，我哋一到餐厅门口，员工就第一时间安排座位，递上餐牌同介绍餐牌，叫order时，我有D特别要求，员工都很有礼貌同耐性帮我去处理，其实我自己都有点唔好意思。
到最重要一环，就系食物，食物摆碟唔错，先讲汤，个意大利杂菜汤，饮得出系自家制的，好足料，唔似得有D餐厅咁用罐头或工场大量制造；我哋小食有炸蚝同蟹肉忌廉薯饼，每样都有两件，口感唔错，仲有少少沙律菜跟埋添；主菜有蚬肉意大利面同盲曹鱼柳，先讲个意大利面，除咗有连壳嘅蚬肉外，原来个意大利面里面都有蚬肉，真系啖啖肉（蚬），另一个主菜，系盲曹鱼柳，唔系一般急冻鱼柳，我问咗餐厅员工，原来系买新鲜鱼嚟，厨师逐条鱼自己㓥，自己起鱼柳，哗！无谂到百多蚊一个餐都做咁多功夫，喺鱼柳上面嘅泡泡，系用蕃茄清汤造，好靓、好味，食完仲有即磨咖啡，无得输，同区嚟讲...简直系推介之首选。
最重要嘅系餐厅无时间限制，因为本人最憎两类型嘅餐厅：1.𠮶D咩60分钟90分钟还枱！2.QR code 落单，0 service 但就要收加一服务费！见到尼两类型餐厅，即时掉头走！
我再睇埋佢哋A la carte menu同set dinner menu，原来Y Dining 嘅晚餐仲正，下次一定要试埋晚餐，试完晚餐再同大家分享。
意大利杂菜汤+蟹肉忌廉薯饼+香辣榄油意大利面
$120
16 浏览
1 赞好
0 留言
意大利菜汤+炸蚝+脆煎盲曹鱼柳
$140
11 浏览
0 赞好
0 留言
14 浏览
0 赞好
0 留言
张贴
