養心亭

营业中

休息中

呢间舖头真系睇佢唔出，第一次去帮衬，食咗个药膳醉鸡米粉，米粉好爽口，老细话佢哋用霸王花米粉，所以好爽口，个醉鸡汤好好味，药材酒香味好够，鸡有鸡味，个汤饮完唔会口干，涸喉，呢个药膳醉鸡汤完全系女士因物，得闲去食好过自己煮。食完之后我第二日lunch再去食过，叫咗个霸王鸡饭配葱油汁再配肉骨茶，哗….碗肉骨茶令到我真系好有惊喜，一啲都唔马虎，比起出面𠮶啲话肉骨茶专门店好味道多多声，碗肉骨茶好香浓，又非常足料，有骨，有豆卜，枝竹，蒜头，霸王鸡个葱油汁又系好好味，平时我食饭都系食少少，因为有呢个汁我成碗饭食晒。始终佢哋喺荃昌呢边，啲舖头都系细细间，座位有限，所以我自己都会拣一啲唔太忙繁忙嘅时间去食。佢卖嘅嘢唔贵，系物超所值，用心制作，我仲有好多嘢未试，会成为我嘅饭堂。