影片
更多
2021-03-24
1170 浏览
当你睇到我呢篇食评嘅时候，「Pom's Kitchen & Deli」好大机会已经结业🙈。当上星期我同朋友知道呢个消息后，大感愕然😟，于是即刻订枱帮衬多次。我之前喺度食过午餐，觉得质素相当之唔错，但睇餐牌就发现晚市消费较高。不过可能系最后一次，所以就无所谓啦😉。晚市套餐有十款选择，价钱由$198至$328不等。餐厅人气高企，晚上八点钟全场满座，好彩我哋上网订咗枱先有位。店员们超级忙，但全晚仍能保持礼貌，态度专业，抵赞👍。炭烧美国安格斯肉眼牛扒(10安士)($318)，牛魔王嘅我一定唔会错过食牛扒嘅机会🥩。牛扒几大块，但较为薄身。我要咗七成熟，厨师将火候控制得好好，冇过熟或过生，牛扒肉嫩多汁，牛味亦算浓郁。同时，我仲好欣赏牛扒真系有份炭烧嘅香气🔥。垫喺牛扒底嘅新薯亦煎得好香口，个人认为薯仔比起薯条或薯蓉更适合作为配菜🥔。牛油白酒煎焗挪威比目鱼扒($308)，🐟比目鱼扒比想像中大件厚身，虽然有骨，但啲骨大大条，好易起。比目鱼鱼肉超级嫩滑，鱼脂丰富，鱼皮就好香。酱汁亦系菜式嘅精华，本身以为只系得牛油白酒，点知原来仲用上茄蓉🍅，令味道更有层次。鱼扒嘅伴菜亦系采用新薯。话明系晚市套餐，当然唔止得
当你睇到我呢篇食评嘅时候，「Pom's Kitchen & Deli」好大机会已经结业🙈。当上星期我同朋友知道呢个消息后，大感愕然😟，于是即刻订枱帮衬多次。
我之前喺度食过午餐，觉得质素相当之唔错，但睇餐牌就发现晚市消费较高。不过可能系最后一次，所以就无所谓啦😉。晚市套餐有十款选择，价钱由$198至$328不等。
餐厅人气高企，晚上八点钟全场满座，好彩我哋上网订咗枱先有位。店员们超级忙，但全晚仍能保持礼貌，态度专业，抵赞👍。
炭烧美国安格斯肉眼牛扒
$318
13 浏览
0 赞好
0 留言
炭烧美国安格斯肉眼牛扒(10安士)($318)，牛魔王嘅我一定唔会错过食牛扒嘅机会🥩。牛扒几大块，但较为薄身。我要咗七成熟，厨师将火候控制得好好，冇过熟或过生，牛扒肉嫩多汁，牛味亦算浓郁。同时，我仲好欣赏牛扒真系有份炭烧嘅香气🔥。垫喺牛扒底嘅新薯亦煎得好香口，个人认为薯仔比起薯条或薯蓉更适合作为配菜🥔。
牛油白酒煎焗挪威比目鱼扒($308)，🐟比目鱼扒比想像中大件厚身，虽然有骨，但啲骨大大条，好易起。比目鱼鱼肉超级嫩滑，鱼脂丰富，鱼皮就好香。酱汁亦系菜式嘅精华，本身以为只系得牛油白酒，点知原来仲用上茄蓉🍅，令味道更有层次。鱼扒嘅伴菜亦系采用新薯。
话明系晚市套餐，当然唔止得主菜，首先系法式蒜蓉包🥖，脆脆的，几惹味。
是日餐汤系蘑菇忌廉汤🍄，味道一般，因为略嫌口味偏淡。
精选甜品系纽约芝士蛋糕🍰，虽然只系细细件，但都食得出好好味，芝士味浓，蛋糕质感软硬适中。因为好食，所以觉得有啲唔够喉。
饮品方面，我哋要咗🍋冻柠茶(+$3)同🍎苹果汁(+$6)。题外话，店员好细心会留意我哋几时食完主菜，再主动问我哋饮乜。
总括嚟讲，今餐晚餐系开心嘅😁，食物出品系几OK。虽然餐厅环境有少少嘈，但气氛热闹，令人放松。Pom’s系一间值得支持嘅西餐厅，佢亦好支持香港人💛，希望迟啲有缘再会👋！
张贴
