蛋仔記雞蛋仔

营业中

休息中

今日经过旺角见到好多人排队，我都好耐冇食过鸡蛋仔，见到呢间啲口味咁多，忍唔住买嚟试吓😆😆✅章鱼烧鸡蛋仔好特别，第一次见到呢款味，食落去真系有章鱼烧嘅感觉！外皮脆卜卜，咬开入面有热辣辣嘅章鱼省馅，仲有啖啖弹牙嘅章鱼粒，配埋浓郁嘅美乃滋同咸甜嘅章鱼烧酱，食落层次好丰富，整体唔会好油腻难消化，特别啱钟意咸甜口味嘅人，✅开心果酱格仔饼格仔饼金黄香脆，入面一层厚厚嘅开心果酱铺满面，落好吸引。咬落去，开心果酱香气好浓郁，味道带啲坚果嘅自然甜，唔会太腻，加埋格仔饼嘅脆口口感，真系好满足！✅白桃红茶香味突出，茶味偏清新，唔会太浓，入口带住桃子嘅甜香，饮落好爽口又解腻