現 (已結業)

星期六都同宠物出街街，食lunch嘅餐厅真系唔系有好多选择，喺北角剪完头发就在附近揾食，结果去咗锦屏街嘅一间小Cafe，舖头出边都可以坐。其实Cafe入边已经唔算太大只系得三至四张枱，但食物质素高，可以再去。我叫咗个卡邦尼意粉，佢同出边嘅店舖唔同，意粉本身系干身嘅，靠意粉上边𠮶只蛋做sauce，整体而言感觉新鲜，但略嫌太干身，如果有多少少汁会仲好味。我太太要咗一个 all day breakfast, 最值得推介系佢𠮶个窝夫，好脆，就算冻咗都依然咁脆，当然味道也相当好。最后一个系小朋友食嘅牛油果扁意粉，呢个强力推介，我试咗几啖真系好好味，当然最后我个囡清晒啦。