恩嚐甜品

营业中

休息中

今日陪屋企人嚟采颐花园睇楼，离开嘅时候见到呢间恩尝甜品，就顺便买啲甜品返屋企。呢度嘅芒果黑糯米肠粉卖相十分精致，而且上面仲淋有新鲜芒果汁。入面嘅芒果大大件，再伴以满满的黑糯米，当然唔少得椰汁大菜糕嘅外皮，真系好睇又好食。我就最钟意食豆腐花，所以拣咗日式软滑豆腐，仲加配咗红豆(+$7)同雪糕(+$9)。红豆份量相当多，仲有一大球雪糕。佢嘅日式豆腐比平时食嘅豆腐花更加软滑，除咗有豆腐嘅香味，仲带点奶香，配合半溶嘅云呢拿雪糕就更加滋味，而佢嘅红豆亦都煮得够腍够甜，成个配搭非常匹配。店员仲推介我哋试呢个柠檬汁冻疏乎厘，起初都觉得有啲其貌不扬。不过入口就甚有惊喜，柠檬汁味道带酸亦带甜，有啲似细个食柠檬味瑞士糖嘅味道，疏乎厘用蛋白打成，入面仲有一个个细小嘅气泡，口感非常绵滑，好味之余亦唔会觉得油腻。呢间恩尝甜品嘅味道都几出色，而且仲有好多唔同种类可供选择，希望有机会再嚟呢度试其他嘅款式。