那個ㄋㄚˋ ㄍㄜ˙ (埃華街) (已搬遷) 新店位置

齐人方可入座，用餐时间60分钟。有咁多规则都好多人食，你就知道佢有几好食、几抵食。有唔少喺附近返工嘅人食lunch，如果唔想排队，就要喺lunch hour之前或者之后先食喇！ps食食吓听到后边枱客好大声讲“呢度我成日食，样样都好食！”*那个卤排骨便当 $66带骨猪扒相当厚身，Size大过个碗，仲要系即叫即做！先上粉炸脆外皮，锁住肉汁，令排骨相当嫩，但又有咬口。之后再浸自家制卤汁，因浸泡嘅时间较短，做到半脆半软嘅口感。枱面有三种味粉香料可以撒：紫菜、盐酥鸡、麻辣。白饭份量超级多，少饭都食唔晒啊！虽然饭香一般般，但粒粒饱满又软熟。配菜每星期都唔同，每样配菜都好好食，而且有唔少菜，饮食好均衡。蜂蜜青柠寒天冰茶 +$12少甜都真系少甜，青柠比蜂蜜味强烈，寒天偏硬，茶底唔会太涩。