老點點心竹筒飯 (已結業)

琴日好仓猝咁决定夜晚个餐……大约7:00几到4个人到咗老点，等得唔系话好耐，等既时候会比定点心纸你睇住食乜先，其实食物唔系会好似茶楼咁有咁多选择我对呢间野既第一 印象系“点解咁细既…”通常多人食既即代表好赚得，间舖自然应该大咁，冇谂过细到咁~不过大细都唔太重要啦～有啲餐厅大大间一样咁难食，重点响食物到。我觉得啲老板们好好人，每个人都带有笑容又有礼貌，一坐低就已经有茶等紧你，佢地会好勤力咁自动加茶，有空碟又快收，可能呢样系细舖先做到既野，太大间舖就难顾及了。琴日4个人叫既野食唔多，4个人都只系食咗200几蚊，都几易饱下🙈其实仲叫咗个芝心炸虾球，但一上菜就食咗冇影到，真系极好味！唔叫唔得，劲推介！有三粒一碟的，炸得好好味，一咬开就见到浓浓既芝士等紧你，一食落口劲满足，口感好好。