影片
更多
2022-05-15
152 浏览
前排复活节有连假冇事做，朋友又有空得闲，于是便建议一齐去长洲揾食，本身都只系谂住揾下啲小食食下咁，啫系长洲大鱼蛋𠮶啲，但系后尾上网google 揾到呢间餐厅评价好似都不错，于是乎就一齐去咗呢度排队尝鲜啦😝😋-去到长洲之后，呢间铺唔算难揾嘅，不过喺横街窄巷入面，要留意番。但系个问题系劲多人排队🥹可能系因为假期啦，我哋去𠮶日劲多人，本身店面已经唔大，我哋又冇book位，于是乎就等咗差唔多两个钟先有得食😭😭😭不过好嘢是值得等待的！！！！-漫长嘅等待过后！等紧我哋嘅系美食！！！😋 入到去店员嘅服务态度都几好几friendly😝 问佢哋嘢都肯答你，我哋叫咗三样嘢，分别系真•卡邦尼意粉、土制炸蛋同埋All day breakfast🥹—————————我系分界线—————————土制炸蛋($49)我哋一入到去坐低嘅时候店员就问我哋会唔会叫呢个，可能系因为制作需时 🤔🤔所以我谂想食嘅话就要一早叫定好啦。上菜嘅时候只蛋仲系有少少烟！应该系新鲜烟炸好！切开入面系流心蛋，蛋味好浓，出面嘅肉碎调味亦都不错，有肉味得嚟亦唔会盖过入面嘅蛋味。佢系跟配薯条嘅，但因为𠮶日我哋食得太饱，所以都冇食晒啲薯条🤭但薯条系几
-
去到长洲之后，呢间铺唔算难揾嘅，不过喺横街窄巷入面，要留意番。但系个问题系劲多人排队🥹可能系因为假期啦，我哋去𠮶日劲多人，本身店面已经唔大，我哋又冇book位，于是乎就等咗差唔多两个钟先有得食😭😭😭不过好嘢是值得等待的！！！！
-
漫长嘅等待过后！等紧我哋嘅系美食！！！😋 入到去店员嘅服务态度都几好几friendly😝 问佢哋嘢都肯答你，我哋叫咗三样嘢，分别系真•卡邦尼意粉、土制炸蛋同埋All day breakfast🥹
—————————我系分界线—————————
土制炸蛋($49)
我哋一入到去坐低嘅时候店员就问我哋会唔会叫呢个，可能系因为制作需时 🤔🤔所以我谂想食嘅话就要一早叫定好啦。上菜嘅时候只蛋仲系有少少烟！应该系新鲜烟炸好！切开入面系流心蛋，蛋味好浓，出面嘅肉碎调味亦都不错，有肉味得嚟亦唔会盖过入面嘅蛋味。佢系跟配薯条嘅，但因为𠮶日我哋食得太饱，所以都冇食晒啲薯条🤭但薯条系几脆几香嘅。
-
All day breakfast ($80)
要知道，出面食一个all day breakfast 闲闲地都要过百蚊，喺呢间铺头见到咁平，紧系唔执输！！！叫返个全日早餐试下顺便打个港女卡🤪🤪errr个all day breakfast 包几样嘢，分别系蛋、多士、焗豆、香肠、煎薯饼同埋沙律，蛋可以拣炒蛋or 煎太阳蛋，我哋就拣咗炒蛋。
炒蛋嘅蛋味几浓，而且啲蛋都几滑，唔会整得太老，而佢其他嘢就同出面嘅all day breakfast 差唔多，多士烘得好脆！！
-
真•卡邦尼意粉($80)
呢个系咁多样嘢入面我最满意最钟意的！要知道我哋平时食嘅港式西餐厅入面嘅卡邦尼意粉都系加哂cream𠮶啲，但真正嘅carbonara 系用蛋黄嚟整个汁！要揾到间正宗嘅carbonara真系唔易，好彩呢度俾我揾到😭一上碟嘅时候店员会细心咁同你讲要食咗呢个先，因为冻咗之后啲汁会好难捞，然后佢会喺你面前刨返啲parmesan cheese 落去！食落口嘅蛋味好足同啱啱刨上去嘅Parmesan cheese配合得好好，唔会互抢！！果然冇改错名🤭🤣🤣然后佢嘅意粉亦都好弹牙好有咬口，唔错唔错！
-
整体嚟讲好满意！但排队时间真系太长😭😭如果去嘅话真系要平日排会好啲🥹🥹🥹
张贴
