影片
更多
2017-07-20
1787 浏览
刚渡过左忙碌既一周, 这星期终于有时间去撑下枱脚兼慰劳自己, 所以拣左呢间私房菜叹返餐好既!唔系有人介绍, 都唔知尖沙咀有楼上私房菜! 去到栋似系商业cross over 住宅大厦, 唔见有餐厅水牌, 照跟住openrice 的地址搭lift 上5楼, 一开门左手边就见到间餐厅了!门口好住宅feel, 入到既装修就截然不同!去见到几张散客枱同埋2间VIP 房, 房已经比人包左黎聚餐, 我地就坐左向外便的2 人枱地方唔算大, 但气氛情调一流! 开头唔太多客时, 静到有D唔好意思讲野~后来多左人黎就好好多了侍应先问我地有冇带酒来, 我地唔饮酒的, 所以只开了一瓶法国矿泉水枱上的餐具睇落都好讲究, 刀叉都依食用次序排列好, 餐厅有8 个或10个course的套餐, 我地好肚饿, 所以都拣左10 道菜, 侍应落单后马上送上自家制餐包3 款, 仲好详细解释面包既种类同埋沾酱自家制餐包有原味, 合桃同果干包, 有茄子酱同蜜糖甘笋酱沾包 , 唔洗下下用牛油! 茄子酱味清淡, 唔太食得出系茄子, 不过甘笋酱就好清甜!用蔬菜酱沾包食冇牛油咁漏, 面包亦焗得外脆内软生蚝侍应推介呢度既生蚝, 要另外单点的,
唔系有人介绍, 都唔知尖沙咀有楼上私房菜! 去到栋似系商业cross over 住宅大厦, 唔见有餐厅水牌, 照跟住openrice 的地址搭lift 上5楼, 一开门左手边就见到间餐厅了!
门口好住宅feel, 入到既装修就截然不同!去见到几张散客枱同埋2间VIP 房, 房已经比人包左黎聚餐, 我地就坐左向外便的2 人枱
地方唔算大, 但气氛情调一流! 开头唔太多客时, 静到有D唔好意思讲野~后来多左人黎就好好多了
侍应先问我地有冇带酒来, 我地唔饮酒的, 所以只开了一瓶法国矿泉水
枱上的餐具睇落都好讲究, 刀叉都依食用次序排列好, 餐厅有8 个或10个course的套餐, 我地好肚饿, 所以都拣左10 道菜, 侍应落单后马上送上自家制餐包3 款, 仲好详细解释面包既种类同埋沾酱
自家制餐包
有原味, 合桃同果干包, 有茄子酱同蜜糖甘笋酱沾包 , 唔洗下下用牛油! 茄子酱味清淡, 唔太食得出系茄子, 不过甘笋酱就好清甜!
用蔬菜酱沾包食冇牛油咁漏, 面包亦焗得外脆内软
生蚝
侍应推介呢度既生蚝, 要另外单点的, 出名野梗系要试下, 点左南非同法国蚝各2 只
南非蚝第一次食, 肉够厚, 而且肉质好爽, 蚝味淡, 赢在口感
法国蚝就蚝味浓好多, 赢在味道! 2 款都各有特式, 都系即叫即开, 2 只蚝都冇落酱汁, 轻轻加1,2滴柠檬汁已经好鲜味
生蚝
11 浏览
0 赞好
0 留言
每个菜式都系隔左一个指定时间先送上, 绝对唔系赶收工style, 亦唔会放到一枱都系, 食唔切又摊到冻晒!
第2道菜系西班牙火腿, 呢度既食法好特别, 蜜瓜唔系包住火腿上, 系榨汁另上
先讲火腿, 味道好香浓唔会过咸, 肉有一定厚度, 唔系薄薄一片, 所以好烟UN, 食到以前去西班牙食火腿既感觉
蜜瓜汁是之后饮的, 十分清甜!得一大啖唔太够喉,不过都岩既, 浅尝先可以有空间挑战余下咁多道菜
再来系轻炙北海道元贝, 带子只烧熟左外层, 中间心仲有刺身feel, 一次过试到生熟2种口感! 拌住鱼子食仲正, 粒粒鱼子有咬口之余, 仲带少少咸香味, 令带子更滋味! 旁边的青瓜粒酸酸地, 侍应话留返最后食用黎refresh下味蕾, 又一用心之处
轻炙北海道元贝
9 浏览
0 赞好
0 留言
食左3 道菜我地都赞口不绝, 仲开始期待跟住落黎既菜式会有乜野惊喜~
都隔左好一阵子, 侍应送上蕃茄冻汤
真系睇唔出系蕃茄汤, 因为个汤劲清, 饮落都唔系好重茄味, 侍应话呢个汤其实系用蕃茄干烹调, 汤里有辣辣地的粒粒, 令个汤有返D味 ; 另外汤入便仲隐藏了一旧透明色的西瓜果冻, 唔会净系饮汤咁单调!上便块莓味脆脆除左令个汤视觉效果高档左外, 都增加左碗汤既口感
最有心思的是, 餐应提供冻汤匙饮汤, 唔会比温度影响个味道
等到颈都长终于等到我最爱既鹅肝! 叫10个course 既原因之一系内含2 个鹅肝菜式! 呢款系鹅肝酱冻, 下便有火箭菜同特式酱汁拌住食
鹅肝酱个味好香浓, 不会过咸, 捞埋堆配菜食个味会较balance , 个质感好软滑! 最有惊喜既系旁边的黑珍珠, 系由黑醋整成, 夹埋鹅肝一齐食减低左个腻既感觉
龙虾浓汤
十分香浓, 未饮已经闻到阵虾壳味! 要煲龙虾汤好花功夫, 要煲到咁入味应该都要花唔少时间心机!
碗旁边有一堆炒过的龙虾籽, 侍应说想浓味D可以加埋落去一齐饮, 为表欣赏, 我地都一滴不漏饮晒!
龙虾浓汤
5 浏览
0 赞好
0 留言
香煎法国鹅肝
无得输既菜式, 上枱已经闻到香浓既鹅肝味, 咬落相当肥美! 上便放的炸牛蒡丝及NUTS碎十分香脆,底下也有配薯蓉 令成道菜口感更丰富
比起鹅肝酱, 我更喜欢烧鹅肝, 香口好多, 如果外皮烧得再脆㶶D会更完美!
香煎法国鹅肝
5 浏览
0 赞好
0 留言
柠檬木烟薰阿拉斯加蟹肉
食完一堆浓味野, 侍应就送上一个玻璃罐
呢个似系沙律既菜式好特别, 先用烟薰过再加盖密封上枱, 侍应叫我地打开盖, 即刻有一阵好香既烟味扑鼻! 劲好闻, 好想索多几啖 XD
里面系撕碎既蟹肉拼温泉蛋同杂菜, 温泉蛋要同沙律搅拌后再食, 口感滑D! 不过D火箭菜就偏苦, 加个柚子醋食正好遮左个苦味, 同埋蟹肉捞醋食好味好多!
番石榴雪芭
食过清甜既雪芭, 再次refresh个味蕾准备食主菜! 很多高级餐厅都会向主菜前安排雪芭比客人, 呢度亦不例外
食左快3 小时, 轮到主菜了! 我地特登拣左2款唔同既试~
香煎澳洲黑盲𫚧鱼
十分有层次既一道菜, 表面有一些果仁碎 , 连埋煎到好香脆既鱼皮一齐食份外香口! 下便亦有烩菜底, 我用来捞鱼肉食, 等旧鱼浓味D~ 可能盲𫚧鱼本身肉质不是滑, 所以冇我想像中滑滑的口感, 最正都系块鱼皮 幸好叫了鱼, 因为食到呢度已经饱了...再食肉应该食唔落甜品XD
香煎澳洲黑盲𫚧鱼
10 浏览
0 赞好
0 留言
另一个主菜是澳洲M9和牛肉眼扒
牛扒唔系平时锯扒果种大大块, 不过份量已经好足够了! 牛肉煎得刚刚好, 好易切, 入口十分嫩滑! 块扒仲有浓浓的牛肉味, 以前真系未食过呢种味既牛肉 , 油脂部份更加冇得顶, 好甘香~
澳洲M9和牛肉眼扒
8 浏览
0 赞好
0 留言
是晚甜品系柚子芝士蛋糕
柚子好清新, 正好中和返芝士既浓味, 食饱左再食都唔觉太漏蛋糕质地亦很幼滑
侍应又介绍左一个餐后享用既芝士拼盘, 有3款特别既进口高级芝士, 不嬲都偏好臭芝士, 所以蓝芝士我系接受到的~~净系闻已经好香浓!
最后侍应奉上餐茶盒比我地拣餐茶, 选了舒缓的薰衣草茶, 想不到是一整壸! 真系可以边叹茶边倾计
对于香港人来说, 一餐饭食3个几钟真系好奢侈, 不过间中咁样慢活一下系应该既~ 当比自己休息下向度食饭真系一种享受 , 侍应服务好好, 尤其系女侍应, 每一道菜都好详细咁解释材料, 比我地知道厨师落左好多心机去舖排每一个菜式
都好欣赏每一个菜都有佢独特既层次, 全部都系心思野, 餐饭完全感受到佢地既诚意
食高级菜式黎讲, 价钱算是很公道了, 如果向酒店食10道菜一定唔止呢个价! 虽然环境不及酒店高级, 但呢度却比到人一种如家般舒适又不失优雅的感觉值得向纪念日再来既餐厅
张贴
