影片
更多
2021-09-02
128 浏览
减肥系终生嘅事，但都要人性化d，耐唔耐都要放下自己假嘅🌝汉堡呢家野真心邪恶，太多淀粉质油脂仲要有薯条🌚但又真系几好食咖嘛衰鬼～～～🌞是日拉埋低碳朋友落水，share肥少半嘛！先黎招牌至尊和牛汉堡，大大份就基本咖啦，但d料多款到咁就唔系常见，而且都配合得好好。黑炭包▶黑松露沙律酱▶单面煎蛋▶牛油果▶煎烟肉▶芝士▶大啡菇▶炒洋葱▶芝士▶和牛▶酸瓜▶番茄▶生菜▶沙律酱▶黑炭包系唔系好夸张😇但其实份量同次序都控制得几好，配搭丰富得黎唔腻。最明显系大啡菇同和牛肉汁混合后解到腻又增加到味道层次。开始觉得摆料都系艺术，点样可以令顾客完整分到又食得唔捞搞呢？🤔☕️第一次见到有黑松露咖啡几惊伏，先上网睇咗系有呢样野，再问问店员咩玩法。原来系有款黑松露朱古力可以做咖啡，面层再加咗松露粉。件事我仍然系想像唔到，松露同咖啡，夹咩🌀？拎到手会先闻到黑松露香，前味都明显系黑松露加泡奶，之后就系莫卡朱古力咖啡味。🍫原来两种味系唔洗沟埋嘅，互相衬托就ok！夹到好味嘅，同时份量唔算多，减少咗佢可能出现嘅化学变化👩🏻🔬（我觉得份量岩岩好）。话咗大家都减紧肥，都可以有健康之选嘅－原只龙虾三文治。🦞满满青瓜同生菜丝加啖啖完整
汉堡呢家野真心邪恶，太多淀粉质油脂仲要有薯条🌚
但又真系几好食咖嘛衰鬼～～～🌞
招牌至尊和牛汉堡
$158
9 浏览
0 赞好
0 留言
是日拉埋低碳朋友落水，share肥少半嘛！
先黎招牌至尊和牛汉堡，大大份就基本咖啦，但d料多款到咁就唔系常见，而且都配合得好好。
Black Truffe Mocha
$38
6 浏览
0 赞好
0 留言
黑炭包▶黑松露沙律酱▶单面煎蛋▶牛油果▶煎烟肉▶芝士▶大啡菇▶炒洋葱▶芝士▶和牛▶酸瓜▶番茄▶生菜▶沙律酱▶黑炭包
系唔系好夸张😇但其实份量同次序都控制得几好，配搭丰富得黎唔腻。
最明显系大啡菇同和牛肉汁混合后解到腻又增加到味道层次。
开始觉得摆料都系艺术，点样可以令顾客完整分到又食得唔捞搞呢？🤔
☕️第一次见到有黑松露咖啡几惊伏，先上网睇咗系有呢样野，再问问店员咩玩法。原来系有款黑松露朱古力可以做咖啡，面层再加咗松露粉。件事我仍然系想像唔到，松露同咖啡，夹咩🌀？
拎到手会先闻到黑松露香，前味都明显系黑松露加泡奶，之后就系莫卡朱古力咖啡味。🍫
原来两种味系唔洗沟埋嘅，互相衬托就ok！夹到好味嘅，同时份量唔算多，减少咗佢可能出现嘅化学变化👩🏻🔬（我觉得份量岩岩好）。
话咗大家都减紧肥，都可以有健康之选嘅－原只龙虾三文治。🦞
满满青瓜同生菜丝加啖啖完整龙虾肉，最欣赏佢酱汁用得岩岩好。有时我都唔知自己食紧d𩠌定酱汁，应该要分好庄闲先岩，d料唔靓就话用汁遮啫，咁好明显呢度系真材实料先做到少酱都咁好食啦，青瓜粒仲好清新添！🥒
加$10-30有配菜几开心，$30有黑松露薯条食劲开心。有趣嘅上碟，每一条薯条都被黑蚊蚊嘅黑松露粉包实（沟过嘅粉，甜甜地嘅）。就咁食落口似shake shake 薯条🍟，点酱汁后，松露粉变咗一层野咁，呢个口感好惊喜，好好味！好特别，有花过心机嘅黑松露薯条，真心嘅，呢个新奇感值得一试！实在周街都系黑松露薯条，质数系几参差下。
食完倾倾下见到店员执货，枝啤酒样野好似几吸引，原来系血橙流打，即刻柯打！
🍹上碟又干橙又冰咁， 咁鬼靓，几好饮嘅，多咗甜度反而调岩番。（3x g糖share 都ok嘅，珍奶同佢，我拣佢，梳打有得Gur！！）🍊
冻Latte基本野，28蚊杯好抵饮，饮到底d冰溶晒就太啖喇，饮快d开心d。呢点都系点解我钟意饮热啡多d，当奶泡打得好保到温，味道又keep到好d。♨️
Amy肥，个d汉堡包仔好得意（有素肉拣🌱），店面好多Colorful灯，映射落多角水杯，对住杯水都靓到忍唔住影张上。📷
唯一要留意系，5点几开始准备晚市油烟重咗，仲有下场嘅我地怕身上味，差不多时间就走咗了。未知繁忙时间会系点，可能都要留意下抽气状况。🌬
另外佢仲有个Tea set，不过我同朋友都系今日第一餐所以冇拣到～
张贴
