Blue Brick Bistro (已結業)

早排见有任食生蚝优惠，紧系要黎试下啦！只要每人点一个主菜，除左任食新鲜生蚝，仲有得任食薯条！真系好惊喜生蚝来自日本兵库县，大大只，好厚肉，没有海水味，所以唔咸，仲好creamy,鲜甜，蚝边系爽的，好特别。每次叫就半打咁上，仲配有两款酱汁，其中一款系泰式辣汁，同蚝味都好夹，正！薯条即叫即炸，粗粗的，热辣辣，配三款酱汁食唔停！Happy hour 期间，任何饮品就叫一杯，第二杯会半价！我试的BB punch 略甜，下次试其他。啤酒都系买一送一，一班朋友来，一边饮啤酒食薯条都几过瘾。两个主菜都好有水准，海胆舞茸菇意大利饭和露笋舞蓉菇炒扁意粉，意粉感觉多油左，不过露笋大大条无渣，又爽！