秀樺廚房 x The Edible Projects (T.E.P.)

营业中

休息中

其实经开好多次，都系撞正满座包场今日星期六嚟到竟然有位就立即试叫咗几样嘢（一）小食拼盘：个长长嘅春卷推荐，香口足料、炸鱼手指唔会太干身够热仲有汁嘅、炸鸡同鸡翼就还好。（二）雨衣甘蓝猪肉饺子：个汤头竟然无求其调味！味同香都好够，配煮熟咗嘅雨衣甘蓝（少少甘味）同猪肉饺子🥟就好好（三）柚子红茶：几好，但我叫热佢份量足饮得慢，可能有得坐热住更好（四）Choco-Misu:用椰奶代替芝士做嘅Tiramisu ，一来无咁滞、又够滑身、甜味适中。好👍嗱，慢工出细货，店家佢哋有心机做，大家真系唔好心急赶赶赶，放空下个人再食好嘢，一乐事也。