麻辣風雲 (京都廣場) (已結業)

今日终于星期五放假就同朋友去咗好多人推介呢间川菜食，佢呢间除咗铜锣湾分店仲有旺角分店等等，我哋上网见到佢嘅装修环境都好特别而且非常适合打卡，我哋就决定去试吓。🥣酸辣汤 ＄38, 椒盐鱿鱼须$148🦑佢个汤唔会做得太酸，酸辣汤铺满材料加上鸡蛋丝非常丰富。个椒盐酥炸鱿鱼须炸到金黄色。🍞炸馒头 ＄58🍞永远令人期待的菜式，打卡一流. 除咗卖相吸引之外，炸馒头本身都好好食。馒头外皮炸到酥脆金黄色，入面依然松软。不过最好有3个人以上先叫，两个人分享，每人要食3旧会搞到有少少饱。🐟酸菜鱼 ＄268🐟话明系招牌菜梗系要食啦，我叫咗小辣同小酸，酸辣程度刚好。入面嘅配料仲有芽菜、酸菜、金菇同埋豆腐卜，十分丰富。鱼肉份量亦都好多，鱼肉仲嫩滑唔嚡，鱼皮一啲都唔韧。