禾庭手工火鍋 (已結業)

今日港岛同朋友港岛区行完山，去铜锣湾揾野食，无意间见到衣间新开手工火锅店。好彩我地大约6:30多到达，一黎到就有位。而地点都几方便，一出铜锣湾C出口地铁站就见到。店员服务都几好，问我地食唔食得辣，就推介我地汤底 - 火焰鲜鲍鱼蛤大盘鸡煲。个锅黎到店员系我地面前先倒酒落锅再点火，令酒味挥发到最香，之后当然我地相机食先，成个煲劲多蛤，鲍鱼都有好多只，好足料！我地点左多款火锅料，特别推荐：手切顶级小牛排，牛好新鲜，好有牛味。值得一赞系三色乌结糖，原来系用墨鱼滑整，有3种食材而做，包括原味、南瓜、波菜味，打咭一流。即炸脆炸响铃上台仲热辣辣，又脆口。原只凤尾虾饺，超有趣，个𩠌子包住只虾，口感好新奇。好多菜式仲想试，但已经劲饱，下次要带屋企人黎再试。