鳴虎 (北帝街) (已結業)

假期去咗土瓜湾探亲戚，去之前上咗Open Rice睇下有咩日本野食。比我发现咗呢间新开既拉面店，就胆粗粗去试下！一入到去间铺，待应就好好礼咁安排咗我地既坐位。而环境就感觉干净整理，第一印象不错不错。我叫咗佢地主打既 “黑鸣虎”，而我妈妈就叫咗 “绿虎”。正常份量既拉面应该就唔会太饱既，所以我地加咗两份小食，一份 “鸣虎炸鸡” 同一份 “鸣虎炸虾仔”。“黑鸣虎”汤底系由黑蒜油、墨鱼汁同猪骨汤组成。汤底唔算太浓，配埋拉面食就啱啱好。黑蒜油既味同墨鱼汁既味唔会抢咗大家既味，食到淡淡既黑蒜油同墨鱼汁味，相辅相成！叉烧同面底有日本水准。“绿虎”既汤底系芫荽猪骨味，钟意既朋友就会好钟意，你明白的，香港唔系太多地方可以食到芫荽味既拉面，配埋猪骨，钟意食芫荽既你一定要bookmark呢一间拉面店！“鸣虎炸鸡” 外脆内嫩，入口d汁爆晒出嚟！好正！ 而 “鸣虎炸虾仔” 炸得几脆，虾头脆到可以食埋！份量都几多，落埋柠檬汁就唔会觉得太油腻！