如

呢间酒店嘅中菜点心真系好精致，款式多样，味道都好好食。其中带子黑蒜烧卖系佢哋嘅招牌菜式之一，烧卖皮薄馅多，带子鲜甜，黑蒜味道香浓，好开胃，真系值得试下。除咗烧卖之外，酒店嘅叉烧酥、金砖豆腐同埋其他款式都几出色。叉烧酥酥脆可口，肉汁丰富，好好味。金砖豆腐外皮酥脆，内里软嫩。金鱼饺外型得意，包左虾肉同石班肉，特别得黎其他中菜少有。其他点心例如虾饺，灌汤饺都比一般中菜好食。其中有个海龙皇肠粉好出色，肠粉包住炸虾卷，口感丰富，炸虾卷劲酥脆。除咗菜式之外，餐厅嘅服务态度同埋环境都好好，对住荃湾海景同服务员都几有礼貌，环境舒适整洁，好舒服。如果你想试下正宗嘅广东点心，呢间酒店绝对系个好选择。