星月樓

营业中

休息中

因为约咗朋友去长沙湾睇电影早场，所以喺开电影之前，特登去附近饮过茶呢下肚先。 而依间茶楼啱啱就喺戏院隔离。煎薄餐：呢个煎薄餐， 不过不失，同出面啲酒楼差不多，唯一好处系佢嘅虾米都放得比出面多D。牛肉肠个肠皮蒸得好滑，而且就咁睇已经见到啲馅，D馅几足料，而且牛肉几新鲜。呢个五谷粗粮糕系第一次喺酒楼食到，几得意，咬落去烟烟靭靭，又有粗粮𠮶种爽脆，又好食又健康。个白花鱼肚都几大件，啲料都几新鲜几充足，值得一试凤爪排骨饭就同出面其他酒楼差唔多，冇乜值得特别讲，不过用嚟充饿就系我嘅至爱。