影片
更多
2021-07-04
1794 浏览
星期六同妈妈去咗骆驼漆行街街，我哋顺便喺𠮶度揾嘢食。呢度出名多餐厅，但又冇乜边间好想再食😟，行到去四楼见到好似有间新餐厅㖞，名叫「二撇鸡」，门口幢咗个牌好似好抵食咁👍。如果唔睇餐厅名，斋睇装修，会以为呢度系少女Cafe😚。首先大门有一大块绿色人做草皮墙，而内里油上粉蓝色调，行海洋风🏝，俾人一种舒服嘅感觉。另外，隔版用上韩国男团嘅头像，好鬼搞笑。以工厦来讲，环境算好好，冷气又够冻。彩蛋部份：原来我头顶盏灯系雀仔形状🦜。餐厅嘅食物选择唔多，老板分享话因为想专注做好几样，我好认同呀🙆♀️，贵精不贵多嘛。菜式主打汤面同饭类，另外仲提供各式小食同唔同口味嘅鸡。全部食物定价都好平，主食最贵都只系$58，小食更加系$1X就有交易，加多几蚊仲有埋茶添。咁嘅价钱今时今日可以去边度揾呢？胡椒猪肚鸡米线($52)，有几款鸡都想试，但讲惹味一定系胡椒猪肚，而呢度嘅出品更无令人失望。汤好饮嘅先决条件系够热，呢碗符合标准✅。钟意饮胡椒汤系贪佢浸辛辣味，可以醒醒胃、刺激喉咙，呢度将辣味处理得恰到好处，易于入口，又好暖身🔥，如果冬天饮就啱哂。汤底够清唔油腻，走味精，仲落咗好多料一齐煲，例如腐竹、沙参、玉竹同杞子等。𩠌
星期六同妈妈去咗骆驼漆行街街，我哋顺便喺𠮶度揾嘢食。呢度出名多餐厅，但又冇乜边间好想再食😟，行到去四楼见到好似有间新餐厅㖞，名叫「二撇鸡」，门口幢咗个牌好似好抵食咁👍。
如果唔睇餐厅名，斋睇装修，会以为呢度系少女Cafe😚。首先大门有一大块绿色人做草皮墙，而内里油上粉蓝色调，行海洋风🏝，俾人一种舒服嘅感觉。另外，隔版用上韩国男团嘅头像，好鬼搞笑。以工厦来讲，环境算好好，冷气又够冻。
彩蛋部份：原来我头顶盏灯系雀仔形状🦜。
餐厅嘅食物选择唔多，老板分享话因为想专注做好几样，我好认同呀🙆♀️，贵精不贵多嘛。菜式主打汤面同饭类，另外仲提供各式小食同唔同口味嘅鸡。全部食物定价都好平，主食最贵都只系$58，小食更加系$1X就有交易，加多几蚊仲有埋茶添。咁嘅价钱今时今日可以去边度揾呢？
胡椒猪肚鸡米线
$52
48 浏览
0 赞好
0 留言
招牌海南鸡饭
$50
25 浏览
0 赞好
0 留言
好撚脆
$36
32 浏览
0 赞好
0 留言
好撚脆($36)，见到个名就想笑🤣，其实出唔出得街㗎，哈哈。我认为餐厅要喺好_脆后面加返「的虾饼」，如果唔写真系唔知系乜黎。脆脆一客有三粒，大小同乒乓波相若，外皮有啲似月球表面，食落非常酥脆，估计应该系包咗腐皮先拎去炸，而内里就系餐厅手打嘅超弹牙虾胶🍤。我认为佢比泰式炸虾饼还要好食，因为真系有鲜虾喺入面，炸皮亦更为优胜，一啲都唔硬。
失传已久的猪扒($26)，🐷炸猪扒其实都OK，只系其他菜式太过出色，就令佢显得较为普通。猪扒几大块，能够切开五件，炸衣薄，但猪扒肉身亦都唔厚，所以唔称得上好有咬口，不过食得出无落松肉粉。
浓汤浸菜
$18
14 浏览
1 赞好
0 留言
咸柠梳打
5 浏览
0 赞好
0 留言
总括嚟讲，我真心觉得二撇鸡嘅食物冇得顶😋💯，好耐未试过喺街食到咁满意嘅一餐，就连我阿妈都咁讲。小店用心经营，服务态度好，上菜速度合理。题外话，我前排生日食咗唔少高级餐厅，但感觉都不一定比呢度好，当然食物种类有所不同。其实平民美食都可以好出色㗎，我已经向喺观塘返工嘅朋友们高度推介呢间餐厅🌟！
张贴
