Bread and Bistro (已結業)

今日去咗黄竹坑附近行个圈 我行过见到间餐厅好多人 附近又唔熟路 结果决定入去试吓 明明已经唔系lunch hour 都争啲满晒座😳一见到个餐牌就叫咗个汉堡扒芝士流心蛋咖喱饭 一嚟到个卖相已经好靓 有齐晒日本咖喱嘅必需品 薯仔同萝卜 佢个薯仔并唔系就咁烚熟扔落去咖喱嘅感觉 而系炸咗嘅薯角 再点咖喱汁嚟食。。。真系好正 😍😍个咖喱唔系好辣 甜甜地加埋个汉堡扒入边有芝士 食嘅时候真系大满足呀 配埋蛋汁 无得顶🤩另外叫咗个all day breakfast 好足料 有炒蛋茄汁豆 薯饼 汉堡扒同pancake 个样好正！ 个pancake好松软 配上蜂蜜糖浆 个炒蛋亦都好嫩温 薯饼配上茄汁豆简直系一绝 汉堡扒亦都煎到好香😋食晒两个主食之后就叫咗个布丁烧 味道好浓配上松软嘅蛋糕底 又系一个必要推介😋😋总括嚟讲 呢间餐厅真系不枉此行 值得再战