酷廚 (已結業)

工作需要关系要去到荔枝角，本身唔系好熟呢头，所以都问定朋友lunch有咩选择。朋友介绍左几间餐厅，原来我一直误会左，呢几年荔枝角已经开多左好多有质素既中上餐厅，而且价钱相对系较抵食~ 唔讲唔知~ 都有几个Shopping Mall!最后因为当刻行到D2附近，就上左去D2placeTWO既KOOL Kitchen. 上一层就见到，唔熟路都路难揾。朋友话呢度主要食汉堡同意粉，所以就叫左个烟肉芝士汉堡试下，但其实都有意大利饭同红米饭拣，都算几多选择烟肉芝士汉堡配蛋黄酱～好香又大份，汉堡味道好好又有肉准～算系惊喜。不过汉堡又大，薯条又多仲要系粗薯，真系要慢慢慢慢食先食得晒。跟餐送饮品都有好多选择，有女仔最岩饮既热红枣蜜！正！总括呢度食物唔错，价钱唔贵，地方好大好舒服，可以慢慢坐慢慢食，下次同荔枝角朋友聚会会拣番呢度～可以试埋其他野食