漁之部屋 (已結業)

昨日有同事生日，夜晚就同班同事出o黎食放题庆祝。今次我o地就book o左渔之部屋。点解拣呢间？其实book之前我都睇o左好多食评，见呢间有长脚蟹食，而寿星又系长脚蟹迷，于是我o地就决定book呢间试下。去到等o左一阵就入得，o黎到当然要点刺身先。呢度D刺身有好多选择，除o左有三文鱼、八爪鱼、希灵鱼、鲍片等等一般o既刺身之外，最特别o既有松叶蟹脚、玻璃虾同牡丹虾。蟹脚质素唔差，肉质鲜甜。另外一级带子真系超正，又鲜甜又厚肉，唔似其他放题咁未解冻完有阵雪味同会「痴」住D冰。另外，呢度o既烧物都做得唔错。成班同事一致赞好芝士焗蚝！出面有D放题系一早做好o左，摊到冻o左先送上o黎，呢度送上枱o个阵仲系热辣辣o既，值得一赞。讲返芝士焗蚝本身，蚝肉唔会太细只，酱汁惹味开胃，推介推介！另外仲有河豚肉干，非常香口，送酒一流。我o地几个女仔就最钟意食烧日本紫心蕃薯仔，细细粒，一啖就可以放入口，好甜好好食。最后当然要食甜品。呢度D甜品劲多款，有木糠布甸、日式焦糖炖蛋、北海道牛乳布甸、杨枝甘露等等，花多眼乱。由于大家都有选择困难症，一于样样都点D试下，好食就再encore。D甜品卖相好精致，木糠布甸同焦糖炖