盈記四季養生麵館

营业中

休息中

今次系我第二次嚟食盈记四季养生面馆，感觉比上一次进步良多！首先，服务态度良好，即使系繁忙时段，侍应们都会尽佢地所能去满足每一位食客嘅要求，又会尽心讲解唔同面款嘅分别，十分有耐性。食物方面，我嗌咗一份一人套餐，包一碗米线(可转通粉或者米粉)、一份小食同一杯餐饮(冻饮加$3)，盛惠$78。我拣咗A09：药膳农场鸡竹笙银耳养生汤米线，贪佢有齐药膳、鸡、竹笙同银耳呢4款我喜爱嘅食材。碗米线一嚟到，个份量大到吓咗我一跳，银耳直头多到唔使钱咁汤底有淡淡嘅药膳味、鸡件好入味，竹笙同银耳都好爽口！小食方面，我嗌咗一碟药膳鸡脚，鸡脚整得非常之淋，好易入口，而且小食份量一啲都唔少，鸡脚数量都有成6只，相当大方。整体嚟讲，一人套餐味道绝对高质。唯一美中不足之处系环境太过狭窄，午饭时间搭埋枱就更加局促，食完只会想拿拿声走，想同朋友慢慢撑枱脚嘅话就要谂清楚了。