泰拍耶

营业中

休息中

原来黄埔真系好多好野食，今日行Aeon行到好攰，随即喺同层拣选了一间装潢充满泰国风味嘅餐厅，而且仲偷听到厨师倾电话系讲泰文添，有种置身泰国嘅感觉！这里座位舒适，食物质素唔错，可以encore！今次点咗两个Lunch set，包两杯饮品，另外再加小食。泰拍耶招牌马沙文咖哩牛筋腩饭✨ 果然系呢度嘅招牌菜，初初见到佢嘅颜色仲以为会好辣，但佢少少辣得黎系偏甜，层次丰富。配上非常淋滑及入味嘅牛筋腩、薯仔、青红椒，洋葱等等，真想添多几碗饭！软壳蟹青芒果丝沙律✨大大原只软壳蟹非常酥脆，青芒果丝口感爽脆，配上酸酸甜甜嘅沙律酱汁非常滋味。沙嗲牛，鸡串烧✨肉质淋滑，就算不沾酱汁已经非常入味。椰汁西米糕✨香浓嘅椰汁味，口感幼滑，大人小朋友都一定钟意。