Sky726

中秋假期买左飞去旺角睇戏，顺便揾左依间试下佢个 lunch , 见到其他食评 有赞亦有弹，其实好多食评都信唔过，就算啲神级食评介绍都系假，自己去食就最真，当日打去book左，店员都几有礼貌，佢系属于最高一层，装修都唔错，个view几好，够高够开掦，服务员带位时都有提我哋如果坐太近窗的位可能会太晒，都算几细心！今次我点左和牛汉堡同三文鱼沙律lunch set ,佢汤同沙律都要每様再加＄18！等左一阵，佢比人大受批评嘅包同汤就到左，个包仲暖暖哋，其实个包味道真系多突出，但当我叫个店员比牛油我加埋一齐食之后，好食好多！再配埋佢个南瓜汤，又够热又够浓，唔错唔错！到个沙律，其实个份量真系少啲，但又几好食㖞，所有嘢都好新鲜！和牛汉堡，我最钟意佢个包里面煎到少少㶶，脆脆哋，外面又松软，而个和牛汉堡又好多肉汁足料，旁边啲薯条都炸得唔错！到个三文鱼沙律，都中规中举，佢个薯仔沙律系我钟意嘅style !可能因为系最高又系正正中午太阳最劲嘅时候，越食越热，最后我点左一个热一个冻咖啡，都好细心比个冻糖水我！而热咖啡味道都唔错，所以唔驶加三十要即磨都得！总括嚟讲，依个价钱嘅lunch 有依啲质素依个地方同vie