影片
更多
2018-10-21
97 浏览
星期日约咗朋友喺中环食晏倾计，由港铁站行到嘉咸街都仲未谂到食乜嘢，行下行下，友人非常眼利，突然被前面这间食店吸引著。咦，呢间咪之前喺网上见有人介绍嘅「Le q Cafe & Bar」？听说餐厅午市有商务套餐供应，水准唔错，而且价钱合理，可以试下。由于无预约，初头还担心会无位，不过地下嘅店员叫我地沿住楼梯行上一层再搭䢂上 4 楼。原来整幢大厦都系属于同一餐厅，G/F 系 Cafe & Bar，以供应手工咖啡及各类酒品为主。1/F 系 Le Shop 杂货舖，主要零售精品食品，餐酒及雪茄等。2/F 叫 Gossip，系一个时尚吃喝畅谈嘅小天地。至 3/F Chat & Learn 就系 event 场地，而这天我俩就被安排坐喺 4/F 嘅 Private Room，入面地方唔大，细心一数，只有 12 个座位，不过就另设有露台可作休憩之用。个 Business Lunch 嘅餐牌，设计非常简单，一页过，有头盘、餐汤、主菜及甜品，四道菜连埋饮品都只系 $208，设加一服务费。主菜共有四款选择，包括有意大利饭、䲞鱼、慢煮黄油鸡同肉眼扒，不过如果拣肉眼就要另加 $50。点完餐后，店员随即为我俩送上
星期日约咗朋友喺中环食晏倾计，由港铁站行到嘉咸街都仲未谂到食乜嘢，行下行下，友人非常眼利，突然被前面这间食店吸引著。咦，呢间咪之前喺网上见有人介绍嘅「Le q Cafe & Bar」？听说餐厅午市有商务套餐供应，水准唔错，而且价钱合理，可以试下。由于无预约，初头还担心会无位，不过地下嘅店员叫我地沿住楼梯行上一层再搭䢂上 4 楼。
原来整幢大厦都系属于同一餐厅，G/F 系 Cafe & Bar，以供应手工咖啡及各类酒品为主。1/F 系 Le Shop 杂货舖，主要零售精品食品，餐酒及雪茄等。2/F 叫 Gossip，系一个时尚吃喝畅谈嘅小天地。至 3/F Chat & Learn 就系 event 场地，而这天我俩就被安排坐喺 4/F 嘅 Private Room，入面地方唔大，细心一数，只有 12 个座位，不过就另设有露台可作休憩之用。
个 Business Lunch 嘅餐牌，设计非常简单，一页过，有头盘、餐汤、主菜及甜品，四道菜连埋饮品都只系 $208，设加一服务费。主菜共有四款选择，包括有意大利饭、䲞鱼、慢煮黄油鸡同肉眼扒，不过如果拣肉眼就要另加 $50。
点完餐后，店员随即为我俩送上一篮黑橄榄香草包，面包表面金黄香脆，入面松软可口，吃时可蘸点油醋汁，滋味甚佳，不过就算单吃，味道亦非常出色。
头盘有两款，呢客系 Le q Caesar Salad, Parma ham and Slow Cooked Egg，材料看起来很简单，用巴马火腿卷著生菜，旁边再伴以一只水煮蛋，不过原来厨师好有心思，喺其中一份生菜上面放咗一小件鳀鱼同香脆的芝士片，以增添食味。巴马火腿咸香软熟，而水煮蛋亦香滑 creamy，非常好吃。
至于另一客头盘就系 Penne Salad, Confit Tuna, Tomatoes, Olives, Onions and Capsicums，长通粉煮得恰到好处，烟韧有致，入口微酸，吃下去带淡淡茄汁香，食味不俗。
餐汤系 Double Boiled Chicken Consomme, Julienne Vegetables and Mini Ravioli，鸡汤色泽清澈，一点也不油腻；意大利云吞质感对办，外皮不太厚，入口烟靭有面粉香，配上清鸡汤，味道不错。
主菜点了 Pesto Crusted Snapper Fillet, Baby Spinach and Shellfish, Red Wine Jus ，䲞鱼柳大小厚度中等，面头的鱼皮铺满香草酱，而碟底就垫咗菠菜，再用切粒虾仁围边，卖相诱人。先尝一口鱼肉，鱼身洁白，肉质嫩滑，甘香鲜美，带淡淡海洋鲜味，加上面层的香草酱，令鱼肉增添质感和清香。垫底嘅菠菜，颜色嫩绿讨好，而且烹调得很入味，入口带自然的清甜，非常啱我口味。
至于另一款主菜就拣咗 Grilled USDA Angus Rib Eye, Glazed Vegetables and Gravy (+$50)，肉眼扒烧得刚好，外面微脆，入口带焦香，而中间则腍滑滋味，加上肉汁满溢，蘸点烧汁吃，更能带出牛肉鲜香。伴菜亦毫不逊色，用料丰富，有香煎薯仔片、清脆的芦笋、爽口的意大利青瓜，用来佐肉眼吃，非常夹配。
餐饮点咗冻柠茶同 Hot Latte (+$10)
压轴的甜品同样有两款，分别系 Tiramisu 同 Homemade Ice Cream；Tiramisu 饼底沾满咖啡酒，咖啡同冧酒比例恰到好处，入口湿润有酒香。意大利软芝士打得幼滑，食起上嚟好软熟。自家制的朱古力雪糕亦很有水准，质感幼滑，朱古力味浓郁，令人吃得非常满足，友人还说要揾日同另一半嚟试埋晚餐呢！
张贴
