HABITŪ table (已結業)

妈妈最近钟意咗用某e app订枱，今次见到湾仔habitu晚餐有半价就的咗我出去食晚餐。叫咗一份Luxury All Day Breakfast，入面有toast、啡菇、烟三文鱼、肠、烟肉、车里茄、茄汁豆同炒蛋，真系好丰富。炒蛋熟得刚刚好，仲保持到水份，亦都好有蛋香。多士配有玫瑰草莓果酱，个酱真系好香！平时好怕啲玫瑰味会好假好药水味，但佢完全唔会有果种感觉，而果酱入面都见到草莓肉同玫瑰花。接住系Gilled Chicken Quesadillas，入面有菠菜、芝士同鸡肉，另外配上三款酱，味道一般都唔太多讲。越精彩紧系要放喺后面，黎habitu紧系要食下佢嘅cake。妈妈叫咗玫瑰芝士蛋糕，卖相超吸引！玫瑰味亦都系好香浓，但系自然嘅玫瑰味，连本身麻麻地钟意玫瑰味嘅我都食多咗几啖～我就叫咗开心果千层蛋糕，个蛋糕每一层都做得好平均，而且cream同皮嘅比例系1:1，唔会好似外面一啲千层咁cream厚过皮好多。面头嘅开心果同杏仁碎都加咗焦糖整到佢脆脆地，带点香甜感觉唔会净系食cream咁溜。下次一定要再黎食佢地嘅cake!