影片
更多
2022-01-16
78 浏览
今日约咗一个好耐冇见嘅大学朋友去观塘一间小木屋Coffee shop lunch 见面，坐坐舒服，环境静静地，可以慢慢倾。我哋一人一个餐大家share 食，之后每人加杯嘢饮。All day breakfast 放假星期六日食过个all day breakfast是常识吧😄呢个all day breakfast 都几靓，而且丰富，有黑醋调味嘅沙律菜、炒滑蛋、烟三文鱼、两块香草煎鸡扒、茄汁豆，牛油烘多士。全部正常发挥，我最钟意嘅系煎鸡扒，煎得好香脆。最惊喜系有一大块蜜瓜。蒲烧鳗鱼滑蛋饭同样有沙律菜，滑蛋下面便是海量嘅鳗鱼，我朋友赞d鳗鱼好好食，虽然唔系好厚肉，但冇幼骨，烧得甘香。我自己一向对鳗鱼无特别喜爱，不过都觉呢度d鳗鱼食落都OK。鳗鱼汁调味适中，加上日本紫菜同滑板，用嚟捞饭好好味，呢度嘅饭系用日本米。饭量比较多，如果食量唔多，建议都系share食比较好。热棉花糖朱古力拉花好靓，有只可爱小猫咪，打卡一流。味道正常，唔会太甜，朱古力香滑。另外有小惊喜，饮品附送一个咖啡豆造型嘅小蛋糕，造型好得意，食落去咖啡味好香浓，感觉不错。冻抹茶鲜奶朋友要咗杯系抹茶鲜奶，佢话口味比较淡，奶味比较重。我哋
我哋一人一个餐大家share 食，之后每人加杯嘢饮。
All day breakfast
放假星期六日食过个all day breakfast是常识吧😄呢个all day breakfast 都几靓，而且丰富，有黑醋调味嘅沙律菜、炒滑蛋、烟三文鱼、两块香草煎鸡扒、茄汁豆，牛油烘多士。全部正常发挥，我最钟意嘅系煎鸡扒，煎得好香脆。最惊喜系有一大块蜜瓜。
蒲烧鳗鱼滑蛋饭
同样有沙律菜，滑蛋下面便是海量嘅鳗鱼，我朋友赞d鳗鱼好好食，虽然唔系好厚肉，但冇幼骨，烧得甘香。我自己一向对鳗鱼无特别喜爱，不过都觉呢度d鳗鱼食落都OK。鳗鱼汁调味适中，加上日本紫菜同滑板，用嚟捞饭好好味，呢度嘅饭系用日本米。饭量比较多，如果食量唔多，建议都系share食比较好。
热棉花糖朱古力
拉花好靓，有只可爱小猫咪，打卡一流。味道正常，唔会太甜，朱古力香滑。
另外有小惊喜，饮品附送一个咖啡豆造型嘅小蛋糕，造型好得意，食落去咖啡味好香浓，感觉不错。
冻抹茶鲜奶
朋友要咗杯系抹茶鲜奶，佢话口味比较淡，奶味比较重。
我哋见到 Coffee shop 有人带埋notebook 做嘢，坐低之后先见原来有USB 同插头位，不过舖头比较细。午饭时段来的话记得要早啲嚟，如果唔系可能要等位。
张贴
