影片
更多
2022-09-14
80 浏览
趁中秋连假，入去元朗行吓🤪住喺港岛区，平时真系好少会入去咁远。一黎人生路不熟，二黎交通网络有啲复杂，除咗地铁，仲有轻铁😵💫今日有地胆带路😏带我去食All Day Breakfast 🥐 由朗屏站行去餐厅，路程大约5分钟。平时餐厅好多人，好多时都要排队等位，所以醒目嘅朋友一早book定位，一到步就可以入座👍🏻Owl set 猫头鹰全日餐 ($118)好丰富嘅All Day Breakfast 😍 有班尼迪蛋、英式猪肉肠、牛角包、大啡菇、蕃茄、烟肉、薯饼、沙律菜、焗豆、牛油粟米。我哋再加咗蟹肉牛油果多士🍞通常All Day Breakfast 同班尼迪蛋好少一齐出现🥺两样都想食的话，就要叫2份，餐厅竟然将佢哋放埋一齐，配搭实在太好😍!!如果想再丰富啲，仲有一个有龙虾嘅All Day Breakfast set!! 似乎系餐厅王牌，好多人食🦞如果Set menu 唔岩，仲有自选早餐，拣到岩为止👍🏻香草烧春鸡 (半只) ($128)配菜拣咗甜蕃薯角、忌廉薯蓉。上菜嘅时候，甜蕃薯角变咗甜蕃薯粒嘅🤔仲要好细粒，见到嘅时候有啲失望。试一粒之后，原来系焦糖蕃薯粒!! 好好味!!❤️切开鸡肉，发现近骨
住喺港岛区，平时真系好少会入去咁远。一黎人生路不熟，二黎交通网络有啲复杂，除咗地铁，仲有轻铁😵💫
今日有地胆带路😏带我去食All Day Breakfast 🥐 由朗屏站行去餐厅，路程大约5分钟。
平时餐厅好多人，好多时都要排队等位，所以醒目嘅朋友一早book定位，一到步就可以入座👍🏻
Owl set 猫头鹰全日餐 ($118)
好丰富嘅All Day Breakfast 😍 有班尼迪蛋、英式猪肉肠、牛角包、大啡菇、蕃茄、烟肉、薯饼、沙律菜、焗豆、牛油粟米。
我哋再加咗蟹肉牛油果多士🍞
通常All Day Breakfast 同班尼迪蛋好少一齐出现🥺两样都想食的话，就要叫2份，餐厅竟然将佢哋放埋一齐，配搭实在太好😍!!
如果想再丰富啲，仲有一个有龙虾嘅All Day Breakfast set!! 似乎系餐厅王牌，好多人食🦞
如果Set menu 唔岩，仲有自选早餐，拣到岩为止👍🏻
香草烧春鸡 (半只) ($128)
配菜拣咗甜蕃薯角、忌廉薯蓉。
上菜嘅时候，甜蕃薯角变咗甜蕃薯粒嘅🤔仲要好细粒，见到嘅时候有啲失望。试一粒之后，原来系焦糖蕃薯粒!! 好好味!!❤️
切开鸡肉，发现近骨位置有少少红，拜托职员再加热嘅时候，职员好有礼貌回应。再加热之后嘅鸡肉仍然好嫩滑😋
烧纽西兰西冷扒 ($168)
配菜拣咗薯条、露荀。
牛扒表面煎到好香，肉质好淋，件扒煮得好靓👍🏻
追加柚子汁脆炸鸡翼 5只 ($38)
食到最后，醒起好似追加嘅柚子鸡翼未到，原来漏单，职员即刻帮我哋加返。
过咗一分钟，原先帮我哋落单嘅职员突然间走埋嚟，主动话落漏咗个鸡翼，问我哋仲要唔要。其实餐厅一直都好忙，佢都记得自己落漏咗，佩服职员嘅超强记忆力。
鸡翼炸到脆皮，表面有柚子汁，唔会觉得好腻👍🏻
所以午餐都包餐饮、餐汤、牛角包，同样都可以加龙虾🦞餐饮加$10 就可以upgrade拣咖啡。
服务好好，职员好有礼貌。食物嘅味道同卖相都好出色👍🏻，食得出餐厅嘅心机。
虽然地点有啲远，但推荐大家嚟一试。
餐厅都几full，记得要预早book位📞
张贴
