影片
更多
2016-06-29
1141 浏览
本人最钟意食嘢 又钟意去旅行 敢啱飞完又放三日假 懒懒地行开太古 睇吓有咩想食啦 本来想去太古𠮶边食greyhound cafe 系康怡行行吓见到一间都几ok 嘅餐厅 行埋去睇吓 原来系食越菜嘅 心谂出面十几个人等紧位 星期日夜晚七点钟只少要等半个钟啦 点知攞完张飞唔驶两分钟就入得啦 一睇吓个menu 见到个大虾汤 超想食 再睇睇乳猪又好想食 两个人两个主菜差唔多啦 叫多个头盘就啱啱好啦个头盘最后要左个吞拿鱼青芒果沙律 其实味系ok 嘅 不过你将两样嘢放系一只碟度 呑拿鱼个生熟度系ok 火炙左个面 再有D类似紫菜粉系面 味道一般啦 唔系冇鱼味不过唔系好突岀啰 青芒果其实系好夹口嘅 都fresh嘅 不过两样嘢唔系好配合 再黎四分一只烧乳猪 越式乳猪当然唔可以同中式乳猪相比啦 中式𠮶种系松脆 越式呢系脆啫 冇话边种好食D嘅 好似曲奇皮定酥皮蛋挞 各有各特式 𠮶汁就确实似中式酒楼𠮶汁敢啦 两个人食其实食多两旧就有D济 最后黎个大锅蕃茄汤 全晚最好食 虾一分为二 只虾大到成只手掌敢大 虾头有黄糕 因为成$188蚊嘅关系 𠮶只虾食落几新鲜 D肉弹牙嘅 再有四粒用蟹肉加左一D其他肉打成嘅丸（唔好意
一睇吓个menu 见到个大虾汤 超想食 再睇睇乳猪又好想食 两个人两个主菜差唔多啦 叫多个头盘就啱啱好啦
个头盘最后要左个吞拿鱼青芒果沙律 其实味系ok 嘅 不过你将两样嘢放系一只碟度 呑拿鱼个生熟度系ok 火炙左个面 再有D类似紫菜粉系面 味道一般啦 唔系冇鱼味不过唔系好突岀啰 青芒果其实系好夹口嘅 都fresh嘅 不过两样嘢唔系好配合
再黎四分一只烧乳猪 越式乳猪当然唔可以同中式乳猪相比啦 中式𠮶种系松脆 越式呢系脆啫 冇话边种好食D嘅 好似曲奇皮定酥皮蛋挞 各有各特式 𠮶汁就确实似中式酒楼𠮶汁敢啦 两个人食其实食多两旧就有D济
最后黎个大锅蕃茄汤 全晚最好食 虾一分为二 只虾大到成只手掌敢大 虾头有黄糕 因为成$188蚊嘅关系 𠮶只虾食落几新鲜 D肉弹牙嘅 再有四粒用蟹肉加左一D其他肉打成嘅丸（唔好意思我食唔出仲有咩肉加左系入面所以唔估啦 ）不过只少食到蟹味嘅 糕丸有一丝丝蟹肉系入面 味道唔错嘅 成个汤饮得到海鲜加蕃茄嘅味道 海鲜味全要来自只大虾啦
D野饮正常啦 冇咩特别 都系青柠梳打 一般越菜可以饮到嘅嘢 朋友杯芒果冰沙都系正常啦 芒果嘅嘢饮除非落香精啦 如果用芒果汁嘅 好少有太大遍差 全晚埋单五百八十零蚊 少少贵啦 不过可以再帮衬嘅 唔会有太大惊喜 但唔差嘅 可以去试吓 尤其星期六日多人排队嘅时候又唔驶等位系爽嘅
张贴
