海南少爺 (已結業)

疫后终于可以周围去揾食，突然口痕想食星马菜，见到尖沙咀哩间餐厅有个海景，想话一边食饭一边睇海可以叹一叹，但我实在低估左而家人流多返嘅状况，虽然去到都已经系下午一点几，但餐厅外仍是大排长龙，到食完长都仍然仲有一条龙，可想而知哩间野有几受欢迎。可惜嘅系今次坐唔到海景落地玻璃位，唯有大开肚皮食多两个菜做点心理补偿。食星马菜当然唔可以唔叫肉骨茶，佢有药材味及白胡椒味两种，以前去过星期坡试嘅都系白胡椒味，所以今次点下做个比较。菜是成个煲上，在你面前再煲滚加热，见到料好足，仲有一大旧完整的蒜头在滚汤，天气凉凉地咁饮对身体都好。个肉骨菜仲可以叫埋配白饭，但当日我哋就无加饭了。个椰香海鲜喇沙嘅椰香味好重🤤，大大碗好多料，建议在食前搅几下，将啲椰香同喇沙酱彻底融和，今次我哋叫了配净米线，食完都好够饱了。我非常欣赏你们的狮城脆虾卷，啖啖虾肉点泰式辣酱，外脆内爽，好有口感，味道又丰富😋。个马拉盏通菜都好爽脆清甜，同伴一口气吃了半碟。仲有个沙嗲拼盘，我们点了牛和鸡两款肉串，胃肚好饱足！仲有他们的茶，是荔枝红茶来的，可以一试！