影片
更多
2023-06-23
15 浏览
约咗朋友嚟东岸公园跑步，做完运动，一身松晒，反正闲著没事，决定揾间 cafe 坐低，回一回气。喺威非路道见到有间纯白风格嘅 Coffee Shop，装潢简约明亮，门口位仲设有长凳同圆台，手持咖啡以店舖环境做背景，打卡一流，一于入去 chill下！原来入面地方好大，墙上挂有壁画，另外仲有单车、结他、数码钢琴及滑浪板等装饰，布置年轻又有活力，予人无拘无束之感。餐厅主打轻食，有贝果、牛角包、意大利三文治、沙律、松饼及蛋糕等供应。Pesto Chicken Panini ($75) 意式三文治烘到外脆内软，鸡肉好嫩滑，青酱厚而不稠，入口富香草香，另外仲夹咗蕃茄做配料，食落清爽又唔腻口，风味十足。Avocado & Smoked Salmon Bagel ($68) 贝果外脆内烟韧，牛油果熟度刚好，烟三文鱼肥美又有油香，加埋蕃茄同柠檬汁生菜片，口感非常清新。Homemade Banana Bread ($30) 件蛋糕真材实料，质地好软熟，外脆内湿润，入面有一粒粒烘过嘅合桃，每一啖都有好浓郁嘅香蕉味。Basque Burnt Cheesecake ($50) 另外呢件巴斯克芝士蛋糕亦做得
喺威非路道见到有间纯白风格嘅 Coffee Shop，装潢简约明亮，门口位仲设有长凳同圆台，手持咖啡以店舖环境做背景，打卡一流，一于入去 chill下！
原来入面地方好大，墙上挂有壁画，另外仲有单车、结他、数码钢琴及滑浪板等装饰，布置年轻又有活力，予人无拘无束之感。
餐厅主打轻食，有贝果、牛角包、意大利三文治、沙律、松饼及蛋糕等供应。
Pesto Chicken Panini ($75) 意式三文治烘到外脆内软，鸡肉好嫩滑，青酱厚而不稠，入口富香草香，另外仲夹咗蕃茄做配料，食落清爽又唔腻口，风味十足。
Avocado & Smoked Salmon Bagel ($68) 贝果外脆内烟韧，牛油果熟度刚好，烟三文鱼肥美又有油香，加埋蕃茄同柠檬汁生菜片，口感非常清新。
Homemade Banana Bread ($30) 件蛋糕真材实料，质地好软熟，外脆内湿润，入面有一粒粒烘过嘅合桃，每一啖都有好浓郁嘅香蕉味。
Basque Burnt Cheesecake ($50) 另外呢件巴斯克芝士蛋糕亦做得非常出色，面层烤到深啡色，达至焦糖化效果，质感轻盈幼滑，入口芝士味劲香浓，让人齿颊留香。
Passionfruit Soda ($50) 杯梳打卖相好靓，入口酸甜清爽，好 fresh 好清新，用嚟消暑解渴一流！另外杯 Iced Mocha ($48) 水准亦唔错，顺滑之余更带出咖啡的香味。
张贴
