半路咖啡

营业中

休息中

假期应该要好好休息。呢间咖啡店位于何文田，装修环境舒适，有一份特别嘅宁静感。适合假日嚟到休息一下，放空脑袋。咖啡店嘅餐牌亦都十分嘅有心思，配上可爱嘅手绘图案，虽然一望落去令人眼花撩乱，但令人喺点餐嘅时候不得不欣赏一下手绘嘅动物。咖啡店除咗装修靓之外，杯子碟具都非常特别，令人心情放松。呢一杯冻咖啡，杯子上面有可爱动物嘅图案，令人会心微笑。除咗咖啡，呢间咖啡店亦都有提供其他茶同埋果汁可以选择。当日点了一杯Sun Juice ，里面有红萝卜同埋柠檬汁等等材料，一望颜色已经令人十分醒神。饮落去微微嘅柠檬酸味，令人十分开胃，亦有夏日嘅感觉。