影片
更多
2022-04-27
37 浏览
放假去马鞍山探朋友，之后一齐落咗嚟迎海荟食晏。友人提议试下商场 2 楼呢间「CHOWTIME」。听朋友讲，餐厅只系开咗大约半年，连佢呢个街坊都未帮衬过。店舖嘅环境好舒服，装潢雅致，开放式门面配以特高楼底，地方开扬阔落，加上室外嘅太阳伞同周边嘅花草树木，气氛悠闲写意，好有渡假 feel。细阅餐牌，有前菜、沙律、汤、主食、汉堡等，另外仲有 16 款全日套餐可供选择。点咗香草蒜蓉包 ($28) 同 两客 Brunch Set，套餐定价非常亲民，最平 $58 就有交易，+$5 更可配埋是日餐汤。是日餐汤为粟米忌廉汤，汤身好顺滑，入口有粒粒粟米喺里面。蒜蓉包味道亦唔错，外脆内软，入口带阵阵蒜蓉香。香煎黑毛猪扒 ($128)，件猪扒嘅卖相真系好吸引，非常大块，劲厚身，而且食落肉质好松化，肥瘦适中，香口之余又唔会盖过猪扒本身嘅肉味，蘸点烧汁吃，很惹味。伴吃嘅配菜亦唔马虎，用料讲究，有车厘茄、甘笋、翠玉瓜、茄子同薯角等，份量十足，有营又健康。至于另一客盲𫚧鱼配白酒忌廉汁 ($88) 亦属惊喜之作，鱼皮煎至金黄色，咬下酥香脆口，正。鱼肉雪白，肉质扎实，但绝不嚡口，煎后仍然保持嫩滑，伴以白酒忌廉汁同吃，更
放假去马鞍山探朋友，之后一齐落咗嚟迎海荟食晏。友人提议试下商场 2 楼呢间「CHOWTIME」。听朋友讲，餐厅只系开咗大约半年，连佢呢个街坊都未帮衬过。
店舖嘅环境好舒服，装潢雅致，开放式门面配以特高楼底，地方开扬阔落，加上室外嘅太阳伞同周边嘅花草树木，气氛悠闲写意，好有渡假 feel。
细阅餐牌，有前菜、沙律、汤、主食、汉堡等，另外仲有 16 款全日套餐可供选择。点咗香草蒜蓉包 ($28) 同 两客 Brunch Set，套餐定价非常亲民，最平 $58 就有交易，+$5 更可配埋是日餐汤。
是日餐汤为粟米忌廉汤，汤身好顺滑，入口有粒粒粟米喺里面。
蒜蓉包味道亦唔错，外脆内软，入口带阵阵蒜蓉香。
香煎黑毛猪扒 ($128)，件猪扒嘅卖相真系好吸引，非常大块，劲厚身，而且食落肉质好松化，肥瘦适中，香口之余又唔会盖过猪扒本身嘅肉味，蘸点烧汁吃，很惹味。
伴吃嘅配菜亦唔马虎，用料讲究，有车厘茄、甘笋、翠玉瓜、茄子同薯角等，份量十足，有营又健康。
至于另一客盲𫚧鱼配白酒忌廉汁 ($88) 亦属惊喜之作，鱼皮煎至金黄色，咬下酥香脆口，正。鱼肉雪白，肉质扎实，但绝不嚡口，煎后仍然保持嫩滑，伴以白酒忌廉汁同吃，更有助提鲜。
食完仲坐咗一阵，慢慢叹埋杯冻鲜奶咖啡 (+$5) 同 苹果汁 (+$8) 先走，店员亦冇催促我哋离开，服务很不错，下次一定要带埋屋企人嚟试下。
张贴
