龍翔酒家 (已結業)

呢个长假期，放假真系好爽，系除夕前夕同屋企人一齐饮个早茶真系尽下孝心先。 呢间都几就脚，系衰在要行楼梯上去，如果老人家只脚唔好就麻烦啲啦，都2层楼咁高嘅楼梯。行上去都几系嘢！咁我同屋企人就10点去到，都唔系几洗等位，我哋拣咗搭台，咁快啲有位坐就算啦。叫咗个家乡煎薄罉，正所谓fried chinese pancake，好中式嘅煎饼，大大份仲饱过食pizza，有菜脯有香葱，都有小小火腿粒，几个人share唔错嘅选择。之后叫咗个孖宝，虾饺拼潮式蒸粉果，加多笼凤爪排骨$54.8，真系抵过食啲蒸点心嘅舖头。虾饺都正正常常，两只原粒虾系里面。潮式蒸粉果，虽然无花生馅，但肉碎捞啲菜脯咬落都几爽口。凤爪排骨就可以唔洗叫啦，油到爆炸，食落又有雪味，唔好食啰。 鲜竹牛肉球，莞茜味好重，都系为饱肚，唔算太好食都唔系好推荐。煎酿孖宝，咁有尖椒&茄子，佢煎得唔会好烂，尖椒&茄子都挺身，鱼肉都好香好厚肉，但其实都油腻。呢个我极推荐，叉烧餐包，啱啱出炉，热热地又好香，蜜汁叉烧配佢搽咗层蜜糖系面度焗，真系好甜好香，呢个真系推荐，好好食。其实所有嘢都几抵食，味道唔好追求啲乜嘢，但埋单都系$180有找，3个人$60人均，