八方棧

营业中

休息中

趁今日假期，同朋友出咗嚟科学园，平时去开科学园都会揾啲Cafe chill下，今次朋友建议食中菜，咁岩见到呢间茶楼，虽然都系食点心，但设计装修方面就唔似一般嘅茶楼，餐厅采用自然光，令到成件事感觉好精神，而且座位都非常阔落。沙茶安格斯牛肉炒河见到个名都觉得好吸引，牛肉果然好重牛味，最钟意食湿湿哋嘅河粉，加上菜亦都唔少，绝对可以减油腻嘅感觉，而且个味道条配得啱啱好，每一个食材都唔会抢过其他食物嘅味道。椒盐鲜鱿须好想食返啲香口嘅嘢，于是点左呢个，出边脆卜卜，而且鱿鱼须都好肥美，椒盐味恰到好处，下次都会再点红烧妙龄乳鸽食落非常香口惹味，非常有大排档嘅感觉，外面小脆皮，而且味道咸香，妙龄乳鸽肉质非常鲜嫩，两个人食一只啱啱好沙嗲鬼马牛肉肠粉肠粉入边加咗一层薄脆，果然鬼马，食嘅时候非常有口感，冇谂过肠粉都可以食得出脆卜卜嘅感觉，而且牛肉口感丰富，唔会比沙嗲味盖过。香煎腊味萝卜糕整到外脆内软，而且腊味非常多，咬落非常香口，绝对冇偷工减料㗎。招牌流沙包卖相非常精美，盖上餐厅嘅名字，唔会太大旧，食得可以好有仪态都得，而且咬落去嘅时候奶黄流心真系好吸引，呢个奶皇包系我去过咁多餐厅数一数二嘅水准。沙嗲金钱肚每