汀汀烤活魚 (已結業)

一家人做冬選擇了這間小店的確沒有令我失望，因為這是經一位明星朋友介紹的，聽聞還未正式開張，已有很多明星客棒場，而且逢星期五六日必定爆滿，要book位都唔係咁易，因此我選擇了提早一星期做冬及訂位。冬至有兩個餐牌，都是位計的，我選擇了$298（免加一、開瓶、切餅）。我很喜歡這個古法炆龍躉翅，必食推介！龍躉翅即是龍躉的背部骨位，我還是第一次吃，呢個位唔似我哋平時食開龍躉腩或者尾部啖啖肉，但係膠原同肉嘅比例啱啱一半，再配合埋佢哋個冬菇瘦肉汁炆得好入味，我連啲干蔥都食晒，真係回味咗幾日！！然後是豉油王大蝦，還有健康的黑蒜蛋白薑咪炒飯也非常出色！我哋一家帶咗五支酒，如果計落呢度免開瓶費、又免加一，真係非常之抵，最緊要係家人都好滿意，讚我揀得好！希望小店繼續努力，一定會再嚟！